Om forsking ved Institutt for arkeologi, historie, kultur- og religionsvitskap

Korleis blir samfunn til, korleis endrar dei seg, og kva gir menneske identitet og tilhøyrsle? 

Dette er nokre av spørsmåla vi utforskar ved Institutt for arkeologi, historie, kultur- og religionsvitskap. Vi undersøker menneskelege erfaringar frå dei tidlegaste spora etter menneske til vår eiga tid. På tvers av land og kontinent, fag og metodar, utviklar vi ny kunnskap om samfunn, kultur og religion og set fortid og samtid i samanheng. Slik bidreg vi til ei djupare forståing av dei utfordringane som pregar verda i dag.

AHKR legg til rette for fri og nysgjerrigheitsdriven kunnskapsutvikling, forskarinitierte prosjekt og sterke fagmiljø. Instituttet har ein solid kultur for forskargrupper og tverrfagleg samarbeid, og arbeider aktivt for å hente inn ekstern finansiering.

Instituttet har eit internasjonalt forskarmiljø og forskinga vår spenner over ulike tidsperiodar, geografiske område og tema. Forskinga er organisert i 13 tverrfaglege forskargrupper, fleire eksternt finansierte prosjekt og eit senter for framifrå forsking. Du kan òg lese meir om forskinga til kvar enkel forskar på profilsidene deira. 

AHKR er vertskap for SapienCE, Centre for Early Sapiens Behaviour, eit banebrytande Senter for framifrå forsking som samlar forskarar frå fleire fag og land for å studere mennesket si tidlege historie.

Insituttet disponerer tre spesialiserte laboratorier som danner en sentral del av instituttets forskningsinfrastruktur.

SAMLA – Digitalisering av norske tradisjonsarkiv. SAMLA er det norske digitale arkivet for tradisjonsarkiver og kulturhistoriske arkiver.

Forskinga ved AHKR skjer i tett samarbeid med internasjonale fagmiljø. Prosjekt som SapienCE samlar forskarar frå fleire land og fagfelt for å løyse felles forskingsspørsmål om mennesket si utvikling. Tilsette deltek også i internasjonale nettverk og samarbeider om forskingsprosjekt finansierte av til dømes Noregs forskingsråd og Horisont Europa.