Leiing og organisasjon ved Institutt for lingvistiske, litterære og estetiske studier

• Amund Sørås, allmenne kontorfunksjonar
• Jorunn Nedreberg, administrasjonskonsulent
• Steinar Sælebakke, allmenne kontorfunksjonar
   

• Amund Sørås, studierettleiar for etter- og vidareutdanning, norsk som andrespråk og Norskkursa
• Dina-Eirin K. Leikanger, studierettleiar for digital kultur og norrøn filologi
• Helga Ramstad Vatsaas, koordinator for norskkursa
• Kristian Bjørkelo, koordinator for PRAKTINF
• Linnea Reitan Jensen, studierettleiar for kunsthistorie, klassisk og teatervitskap
• Louisa Noa Sonntag, studierettleiar for allmenn litteraturvitskap og språkvitskap
• Mona Vervik Uthaug, rådgivar for etter- og vidareutdanningstilboda
• Vegard Sørhus (permisjon), studierettleiar for digital kultur og norrøn filologi
• Veronica Christensen, studierettleiar for nordisk språk og litteratur og nordisk fagdidaktikk

• Andreas Hadsel Opsvik, kommunikasjonsrådgivar ved CDN
• Angelina Penner Gjertsen, forskarutdanningskonsulent
• Anna Polster, forskingsrådgivar
• Anlaug Lid, administrativ prosjektkoordinator for Fagspråksenteret og CODICUM
• Mahaut de Vareilles, administrativ prosjektkoordinator for AI Stories
• Ola Roth Johnsen, administrativ prosjektleiar ved CDN

Formål

Instituttrådet er det øvste representative organet ved LLE. Rådet gjer vedtak for instituttet på viktige saksfelt, gjev råd til instituttleiaren og verkar elles som eit kontakt- og kommunikasjonsorgan for alle faggrupper og stillingskategoriar ved instituttet, medrekna studentane. Medlemene av instituttrådet ser ikkje seg sjølve som partsrepresentantar, men arbeider til det beste for instituttet som heilskap.

Storleik, samansetning og val

Instituttrådet ved LLE har 11 representantar og er samansett slik:

1. I alt fem representantar for fast tilsette i undervisnings- og forskarstilling, pluss instituttleiaren (gruppe A)
2. Ein representant for dei mellombels tilsette i undervisnings- og forskarstilling (gruppe B)
3. Ein representant for dei teknisk og administrativt tilsette (gruppe C)
4. Tre studentrepresentantar (gruppe D)

Funksjonstida er fire år, likevel slik at representantane for gruppe B og D vert valde for eitt år, jf. valreglementet.

Nestleiaren ved instituttet er vara for instituttleiaren.

Instituttleiaren går inn i gruppe A som leiar av rådet og legg fram sakene. Administrasjonssjefen er sekretær for instituttrådet, men kan delegera oppgåva.

Valstyret ved LLE har ansvaret for at vala i gruppene A, B og C går rett for seg.

Kompetanse og ansvar

Instituttrådet skal behandla, gjera vedtak på vegner av instituttet og gje innstilling til fakultetet eller anna overordna organ i saker som gjeld:

• Strategi- og resultatdokument som vert utarbeidde av instituttet
• Eventuelle omstillings- og omorganiseringsplanar
• Budsjettframlegg, årsbudsjett og årsrekneskap

Instituttrådet ved LLE har valt å delegera ansvaret for undervisningsadministrasjonen til Utvalet for undervisning og internasjonalisering (UUI). I alle andre saker er instituttrådet eit rådgjevande informasjons- og kontaktorgan mellom instituttleiaren, dei tilsette og studentane.

Saksbehandling og møtepraksis

Møta i instituttrådet er opne. Rådet behandlar ikkje personalsaker.

1. Mandat for utvalet

Utvalet for undervisning og internasjonalisering (UUI) har etter vedtak i instituttrådet (sak 31/19) vedtaksmynde i studiesaker innanfor LLE sitt myndigheitsområde.

Utvalet arbeider for å oppfylle dei strategiske måla som er sett for undervisning og internasjonalisering på LLE. Utvalet arbeider aktivt overfor instituttleiar når det gjeld mål og ønske for dei langsiktige satsingane på LLE. Utvalet har eit overordna blikk på bruken av tilgjengelege undervisningsressursar på instituttet.

Studie- og emneplanendringar som er av vesentleg betydning på tvers av faga på LLE, skal takast opp til orientering og drøfting i UUI. Utvalet ser til at undervisninga blir evaluert i tråd med gjeldande retningslinjer. Utvalet kjem med innspel til dei halvårlege dialogmøta mellom fakultetet og leiinga på LLE.

2. Representasjon

UUI består av undervisningskoordinator, fagkoordinatorar og programstyreleiarar frå dei ulike fagmiljøa. Det er tre studentrepresentantar i utvalet. Lektorprogrammet i nordisk språk og litteratur er representert ved fagkoordinator i nordisk fagdidaktikk. Kvart fagmiljø må avgjere om dei skal vere representerte av fagkoordinator eller programstyreleiar når ikkje den same personen har begge funksjonane. Undervisningskoordinator er leiar for UUI, og studieleiar er sekretær.

Følgjande fagmiljø med respektive studieprogram er representerte i UUI.

• Allmenn lingvistikk, EXFAC00SK / Examen facultatum, Språkkunnskap

• Allmenn litteraturvitskap

• Digital kultur

• Klassisk filologi

• Kunsthistorie

• Nordisk litteratur, Norrøn filologi

• Nordisk språk

• Norsk som andrespråk – teorifag

• Norsk som andrespråk – Norskkursa

• Nordisk fagdidaktikk – lektorprogrammet

• Teatervitskap

3. Innkalling og referat

Det blir halde to til tre møte i semesteret. Ved behov blir det kalla inn til ekstra møte. Undervisningskoordinator har ansvar for å kalle inn til møte. Innkallinga skal sendast ut seinast tre dagar før møtet. Sakspapir kan ettersendast eller leggjast fram på møtet om nødvendig. Møteinnkalling og referat blir send til medlemmane på epost.

Handsama og vedtatt i instituttrådet 28. november 2019.

Forsknings- og forskerutdanningsutvalget (FFU) er instituttleiaren sin rettleiande og LLE sitt koordinerande organ i saker som gjeld forsking og forskarutdanning. FFU skal bidra til at instituttet sitt målsetjingar og satsingane innan forsking og forskarutdanning blir nådde. Utvalget fungerer òg som instituttet sitt forskingsetiske råd.

FFU blir leia av LLE sin forskingskoordinator. Instituttet sin PhD-koordinator er utvalget sin sekretær. Utvalget skal ha to representantar frå gruppe B, med minst ein doktorgradskandidad. Ut over dette blir utvalget sett saman slik at det sikrast representativ spreiing av tilsette:

• Ein representant frå forskargruppene: TEIKN, nordisk språk, BLAU, LUNA, Sosiolingvistikk og språkendring og Humlab.
• Ein representant frå forskargruppene: Radikal filosofi og litteratur, Nordisk litteratur, Historie, retorikk og resepsjon, Teaterhistorie og dramaturgi, EstLittT, Visuell kultur og Samtidestetikk.
• Ein representant frå forskargruppene: Lov og kultur i det førmoderne nord, Mellomalderfilologi, 1700, Vitensbilder, Antikkens kultur, språk og tradisjonar.
• Ein representant frå CDN, som òg er med i ein av forskargruppene tilknytt senteret.
• Ein representant frå Fagspråksenteret.
• To representantar frå gruppe B.

I tillegg til dette blir lederne for instituttet sitt godkjende forskarskoler oppnemnt som medlemmer av FFU dersom dei er tilsette ved LLE.

Kvart medlem av FFU skal ha ein vararepresentant.

Programstyra er ansvarlege for utvikling, leiing og evaluering av bachelor- og masterprogramma, og for at programma oppfyller krava i den nasjonale Studietilsynsforskrifta og det Nasjonale kvalifikasjonsrammeverket. Fagkoordinatoren er eit bindeledd mellom fagmiljøa, studentane og leiinga ved LLE.