Leiing og organisasjon ved Senter for kvinne- og kjønnsforskning

Som senteret sitt øvste organ har styret det samla ansvaret for verksemda ved senteret. 

Styret si samansetjing

Styret består av fire vitskaplege tilsette i fast stilling med kompetanse innan områder som kvinneforsking og kjønnsteori, to studentrepresentantar, ein felles representant for gruppe A, B og C og personlege varaer.

Vitenskapleg tilsette blir foreslått av fakulteta i fellesskap, medan studentrepresentanten blir foreslått av Studentparlamentet. Dei tilsette sin representant i styret skal velgast av senterrådet. Likestillingslova sin §21 om kjønnssamansetjing skal være oppfylt for kvar av dei to gruppene vitskapleg tilsette og studentar.

Medlemmar frå gruppa fast vitskapleg tilsette blir oppnemnd for ein periode som samsvarar med universitetet sine ordinære valperiodar. Studentane blir oppnemnd for eitt år. Dei tilsette sin representant blir oppnemnd for to år.

Styreleiar

Styret sin leiar blir oppnemnd av Universitetsstyret blant gruppa av vitskapleg tilsette i fast stilling. Styret sjølv oppnemner ein nestleiar blant dei andre medlemmane. Styret sin leiar avgjer saker i den grad desse ikkje kan utsetjast til styret eller arbeidsutvalet kan komme saman i møte. Styreleiar kan også avgjere løpande saker som ikkje blir sett på som viktige nok til at ein kallar inn til ekstraordinært møte.

Styret sitt ansvar

Styret har, som senteret sitt øvste organ, det samla ansvaret for verksemda ved senteret, og skal sikre at 

• at den faglege verksemda held høg kvalitet og blir drive i samsvar med dei overordna lovene og retningslinjene fastsett av universitetet si leiing og andre overordna styresmakter. Styret bør spesielt sikre at senteret si interfakultære rolle blir ivareteke. 
• at verksemda blir drive i samsvar med dei lovene, forskriftene og andre reglane som gjeld
• at senteret sine økonomiske ressursar blir disponerte etter føresetnadane som er fastsett i tildelinga og i andre bindande vedtak
• at senteret si verksemd blir drive på ein hensiktsmessig og kostnadseffektiv måte.
• at det kvart år blir levert årsreknskap med utgreiing av resultata for verksemda 
• at det kvart år blir lagt fram forslag til budsjett for komande år

Leiar skal ha vitskapleg kompetanse, normalt på professornivå. Leiar skal tilsetjast av Universitetsstyret etter innstilling frå styret ved Det humanistiske fakultetet. Senteret sitt styre skal levere ei fråsegn før tilsetjinga finn stad. 

Fagleg leiar møter i styret og arbeidsutvalet med tale- og forslagsrett. Fagleg leiar er ansvarleg for at senteret si verksemd har ein forsvarleg fagleg forankring, førebur saker for senteret sitt styre, arbeidsutval og styreleiar,og har rett til å tilrå utbetaling av dei budsjettmidla som blir stilt til rådigheit.

Fagleg leiar har personalansvar for faglege og administrative stillingar tilknytt senteret.

Senteret har eit senterråd. Dei som er tilsett eller har arbeidsplass ved senteret, har møte- og stemmerett. Rådet skal kallast saman minst to gonger i semesteret og leias av fagleg leiar. Rådet skal ha forslagsrett overfor senterstyret. Rådet kan gi råd til fagleg leiar, uttale seg om planar for senteret og tilhøve ved arbeidsmiljøet, samt andre tilhøve ved senteret si verksemd som det finn grunn til å ta opp.