Utplassering i informasjonsteknologi og økonomi

Mål:

Emnet har som mål å gi studentane verdifull og relevant praktisk erfaring gjennom praksisutplassering i ei bedrift eller forskingsverksemd relevant for informasjonsteknologi/økonomi. Studentane skal være utplassert hos oppdragsgjevar faste dagar i veka. 

Innhold:

I emnet skal studenten delta aktivt i ei praksisutplassering hos ei bedrift/forskningsverksemd med arbeidsoppgåver som naturleg høyrer til innanfor Informasjonsteknologi og økonomi (sivilingeniør), master, 5 år. Emnet skal gi praktisk forståing for typiske arbeidsprosessar i ei bedrift/forskingsverksemd retta mot informasjonsteknologi og økonomi, med bruk for eksempel innan innhenting av marknadsdata, dataanalyse, modellering, programmering, tilpassing av software for bedrifta eller for bedrifta sine kundar. Emnet skal gi mulighet til å reflektere over samspelet mellom fullførte teoretiske fag i utdanningsprogrammet og praktisk yrkesutøving. 

Studenten skal ved avslutta emne ha følgande læringsutbyte definert i kunnskapar, ferdigheiter og generell kompetanse:

Kunnskapar

Studenten

• har kunnskap om bedrifta/institusjonen sin eigenart og plass i samfunnet 
• kan gjere greie for arbeidsoppgåver og arbeidsmetodar i gjeldande praksisbedrift/institusjon, samt beskrive bedriftskulturen og rollene til kollegaer i praksisbedrifta

Ferdigheiter 

Studenten

• kan sette seg inn i tildelte arbeidsoppgåver, samt kommunisere og samarbeide med involverte parter for å løyse desse 
• kan reflektere over eigen fagleg utøving 
• kan presentere arbeidet som er utført i praksisperioden skriftleg og munnleg 

Generell kompetanse

Studenten 

• kan innordne seg etter krav som blir stilt i arbeidslivet 
• kan reflektere over eigen kunnskap og læring, og reflektere over si eiga rolle i samarbeid med andre 
• kan kommunisere om sentralt fagstoff som teoriar, problemstillingar og løysingar både skriftleg og munnleg, og utveksle synspunkt og erfaringar med fagpersonar innanfor fagområdet