Introduksjon til kunst, teater og digital kultur

Emnet skal gje studentane møte med ulike uttrykksformer og sjangrar innanfor kunst, teater og digitale kultur. Studentane skal ta del i aktivitetar og arrangement.

Formålet vil vere å øve opp evna til å nytte eit analytisk apparat på sjølvstendig vis i møte med ulike former for kunst, teater og digital kultur. Emnet legg såleis vekt på å setje observasjonar og erfaringar frå praksisfelta i samanheng med akademiske teoriar og metodar.

Gjennom førelesingar og seminar får studentane innføring i sentrale teoretiske og metodiske perspektiv i studiet av visuell kunst, teater og digital kultur, samt ein introduksjon til dei respektive fagfelta sin faglege praksis og formidlingstradisjonar. Ein kan til dømes vitja museum og utstillingar, teaterframsyningar og faglege arrangement. Det kan og bli lagt opp til møte med til dømes teknologiutviklarar, kunstnarar, konservatorar, kuratorar, regissørar eller forfattarar. Kjennskap til kunstinstitusjonar og dei respektive fagområda sine praksisfelt gjer studentane kjent både med moglege studieobjekt og potensielle framtidige yrkesval.

Kunnskapar

Etter fullført emne har studenten

• Kjennskap til fleire forskjellige estetiske uttrykksformer innanfor kunst og kultur, inkludert digital kultur.
• Kjennskap til sentrale faglege omgrep innan visuell kunst, teater og digital kultur
• Kjennskap til forståingsmåter innan visuell kunst, teater og digital kultur
• Kjennskap til korleis estetiske uttrykksformer relaterer seg til kulturelle eller samfunnsmessige spørsmål historisk eller i dag

Ferdigheiter

Etter fullført emne har studenten fått ei grunnleggjande innføring i å

• Observere og skildre visuell kunst, teater og digital kultur
• Fortolke og reflektere over estetiske uttrykk.

Generell kompetanse

• Erfaring med det utøvande kulturlivet i Bergen
• Erfaring med tverrfagleg arbeid innan humaniora
• Fagleg formidling av kulturuttrykk og kulturelle opplevingar
• Kjennskap til dei respektive fagområda sine praksisfelt