Medisinsk pedagogisk praksis

Emnet bygger på Innføring i medisinsk pedagogikk (ELMED218A), og føreset at deltakarane har bestått dette. Emnet har som mål å gi studentane trening i å planlegge, gjennomføre og evaluere eigne pedagogiske oppgåver retta mot helsefagleg utdanning. Dei praktiske oppgåvene kan vere undervisnings- og rettleieroppgåver eller anna form for pedagogisk tilrettelegging.

Det er krav om at ein har ei viss eigen undervisningserfaring ein kan bygge oppgåva på. Studentar som har vore undervisar, rettleiar, hatt mentoroppgåve eller liknande i regi av det medisinske fakultetet (evt. studentorganisasjon) i minst 20 timar kan nytte dette som bakgrunn for arbeidet med oppgåva.

Om de er usikre på om undervisningserfaringa de har kan telja ta kontakt med emneansvarleg: knut.eliassen@uib.no

Studenten skal ved avslutta emne ha følgande læringsutbyte definert i kunnskapar, ferdigheiter og generell kompetanse:

Kunnskapar

Studenten:

• har grunnleggjande kunnskapar om korleis ein planlegg og legg til rette for læring hos ulike målgrupper
• kan greia ut om korleis ein pedagogisk intervensjon bidreg til læring og til andre moglege konsekvensar av intervensjonen
• har kjennskap til ulike rammer som er med å påvirke opplæring

Ferdigheiter

Studenten:

• kan planlegge og gjennomføre ei avgrensa pedagogisk oppgåve med målgruppa si læring for auge
• kan opptre i ulike pedagogiske roller som undervisar, rettleier, vurderar eller liknande
• kan gjere kloke val og ta i bruk varierte verkemiddel i rettleiing og undervisning

Generell kompetanse

Studenten:

• kjenner til styrkar og svakheiter ved eiga undervisningsrolle
• kan samarbeide om å løyse pedagogiske oppgåver i lag med andre

Vår

Emnet strekker seg gjennom heile semesteret