Vindgenererte overflatebølgjer

Mål:
Emnet vil formidle ei fysisk forståing av korleis vinden skapar overflatebølger, korleis bølgene vandrar og spreier seg over havet, og korleis dei ender si ferd på land.

Innhald:
Emnet tek opp tema som lineær og ikkje-lineær teori for tyngdebølger på grunt og djupt vatn og teoriar for korleis vinden skapar overflatebølger. Vi vil lese om korleis ein måler bølger og vi vil lære å handsame bølgedata. Vi vil drøfte dei statistiske verktøya til å tolke bølgedata, og vi vil høyre om modellar for bølgevarsling. Obligatoriske delar av kurset er innleveringsoppgåver og seminar

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten
- veit korleis overflatebølgene vandrar og spreier seg på djupt og grunt vatn
- veit korleis dei blir danna, korleis dei verkar på kvarandre og korleis dei dempast

Ferdigheiter

Studenten
- beherskar statistiske metodar til å handsame bølgje-observasjonar
- kan greie ut om korleis ein varslar bølgjehøgd

Generell kompetanse

Studenten
- kan greie ut om ulike metodar for bølgjevarsling, numeriske og manuelle
- forstår resultata som kjem ut av ein numerisk modell for bølgjevarslinga