Global Theory

Mål:

Emnet har som mål å gje ei forståing av dei store utfordringane i global helse

Innhald:

Emnet dekkjer ei rekkje aspekt ved Global helse. Det vil bli førelesingar med fokus på dei store utfordringane i global helse. Samanhengen mellom fattigdom og helse vert utheva, likeeins samanhengen mellom helse og sosiale, politiske, økonomiske og kulturelle faktorar. Tema innan global helse som vert omhandla er folkehelse, store og viktige sjukdomar, etikk, antropologi, økonomi og helsesystem. Førelesingar og gruppearbeid er obligatoriske.

Kunnskap:

Etter kurset kan studentane:

• Forklare likskapar og skilnader mellom låg-, mellom- og høginntektsland når det gjeld helse og demografisk utvikling
• Greie ut om menneskerettar knytta til helse
• Beskrive dei store globale sjukdommane og epidemiane
• Greie ut om dei finansielle hindringane i internasjonal helse
• Greie ut om ulike måtar å prioritere i helsevesenet

Ferdigheiter:

Etter kurset kan studentane:

• Diskutere korleis viktige sjukdomar er med på å påverke utviklinga i samfunnet
• Diskutere korleis ulike intervensjonar kan betre folkehelsa
• Vurdere organisatoriske problem i helsesystem i låginntektsland
• Diskutere etiske emne i internasjonal helse

Generell kompetanse:

Etter kurset kan studentane:

• Ha eit globalt perspektiv på å vere lege
• Forstå konsekvensane av globaliseringa for medisinsk vitskap.