Journalistikkens praksis

Målet med dette emnet er at studentane gjennom ein lengre praksisperiode skal bli tryggare på utfordringar dei møter i den verkelege journalistiske verda, og at dei skal ha rom og tid til å reflektere over det dei erfarer på vegen.

Kurset blir innleia med eit praksisførebuande seminar. Seminaret er todelt: Det tar på den eine sida føre seg konkrete tema og utfordringar studentane møter i praksis, gjerne presentert av representantar frå eksterne redaksjonar. På den andre sida diskuterer og reflekterer studentane, saman med faglærar, over korleis den kunnskapen dei har tileigna seg tidlegare i studiet no skal kunna bli nyttig i ekstern praksis. Etter seminaret går studentane ut i praksis primært hos bedrifter i Media City Bergen, men potensielt også hos andre mediebedrifter eller på eigen, intern publiseringsplattform. Praksisperioden er på 8 åtte veker. Den blir avslutta med ein kort praksisrapport der studentane reflekterer over eiga læring i perioden.

Studenten skal ved avslutta emne ha følgjande læringsutbytte:

Kunnskap

Studenten

• skal bli tryggare på utfordringar ho/han møter i den verkelege journalistiske verda

Ferdigheiter

Studenten

• evnar å gjere sjølvstendige journalistiske vurderingar i ulike kontekstar
• kan nytte ulike typar digitale verktøy på relevante journalistiske vis
• kan arbeide med ulike typar stoff og på ulike plattformar i ulike typar redaksjonar
• kan diskutere og reflektere over arbeidsprosessar som vegar til å utvikle fagleg autonomi og eit kvalifisert og sjølvstendig journalistisk skjønn innanfor gitte rammer

Generelle kompetanse

Studenten

• har innsikt i relevante faglege og yrkesetiske problemstillingar innan journalistikkfaget
• kan utveksle synspunkt og erfaringar med andre som har ein bakgrunn innanfor fagfeltet journalistikk og såleis bidra til å utvikle god praksis
• kjenner til nytenking og innovasjonsprosessar innan journalistikkfaget