Journalistiske former

Emnet har som mål å 1) gi ei grunnleggande forståing av ein av dei sentrale journalistiske stoffkategoriane, eller formene, med undersjangrar. Dette kan til dømes vera kulturjournalistikk, sportsjournalistikk, politisk journalistikk. Emnet vil utforska undersjangrar, den aktuelle journalistiske forma si plass i journalistikken og i offentlegheita. Vidare skal emnet gi 2) praktiske dugleikar i utforminga av journalistiske tekstar innanfor den aktuelle forma.

Kurset er delt i to modular:

I modul 1 blir studentane introdusert for ulike perspektiv på den journalistiske forma. Sentralt står særlege kjenneteikn som journalistikk, sjangrar og undersjangrar, historisk utvikling med vekt på norske og nordiske forhold. Forhold til media sitt samfunnsoppdrag vil også vera viktig i denne modulen.

I modul 2 vil studentane arbeida med produksjon av eigne tekstar innanfor den aktuelle journalistiske forma. Arbeidet vil gå føre seg individuelt og i grupper, og vil vera organisert som ein serie arbeidsseminar med vekt på presentasjon og diskusjon av tekstutkast. I seminara vil det vera gjestar frå praksisfeltet.

Studenten skal ved avslutta emne ha følgjande læringsbytte:

Kunnskapar:

Studenten

• har kunnskap om ein av dei mest sentrale journalistiske formene sine sjangrar, historie og samfunnsmessige rolle
• har god kjennskap til nyare norsk og nordisk forsking på området

Ferdigheiter:

Studenten

• kan laga journalistiske produkt innanfor den aktuelle journalistiske forma.
• kan drøfta og analysera metodiske etiske utfordringar innanfor ei sentral journalistisk form

Generell kompetanse:

Studenten

• kan arbeide selvstendig og i team med produksjon innanfor ei sentral journalistisk form
• kan drøfte metodiske og etiske spørsmål med relevans for forholdet mellom journalistikk og kultur, politikk og/eller andre relevant felt