Innføring i forvaltningsrett for sakshandsamarar i kommunal sektor

Kurset gjev ei innføring i forvaltningsrett med vekt på løysing av praktiske problemstillingar i den kommunale forvaltninga. Fokus blir retta mot hovudreglar og dei viktigaste unntaksreglane i forvaltningslova om inhabilitet, plikt til å utgreie saka, partane sin rett til varsel og til å få uttale seg, retten til dokumentinnsyn etter forvaltningslova og offentleglova, krava til skriftleg utforming av vedtaket, klage over forvaltningsvedtak og omgjering utanfor klagesak.

Relevante særreglar i kommunelova vil bli trekt inn, mellom anna om delegasjon, i tillegg til utvalde emne frå den ulovfeste forvaltningsretten som kravet om heimel ¿ under dette forholdet mellom lov og interne reglar ¿, forvaltningsskjønn, krav til likehandsaming, forholdsmessigheit og saklegheit.

Kunnskap

Etter at kurset er gjennomført skal studentane ha

• grunnleggjande kjennskap til måten forvaltningsretten er bygt opp på, herunder sentrale omgrep og omsyn og forholdet mellom lov, forskrift og interne instruksar og reglement,
• grunnleggjande kjennskap til reglane for organisering av den kommunale verksemda,

• kunnskap om dei viktigaste føresegnene om følgjande tema:

  • Verkeområdet til forvaltningslova og offentleglova.
  • Omgrepa enkeltvedtak, vedtak og forskrift, herunder når det føreligg ei plikt til å fatte vedtak.
  • Inhabilitet
  • Teieplikt
  • Rettleiingsplikt
  • Plikta til å utgreie saka
  • Partane sin rett til varsel og til å få uttale seg
  • Retten til dokumentinnsyn etter forvaltningslova og offentleglova
  • Krava til skriftleg utforming av vedtaket med vekt på korleis ein kan skrive eller kjenne att eit godt vedtak
  • Klage over forvaltningsvedtak
  • Omgjering utanfor klagesak
  • Kravet om heimel
  • Delegasjon etter kommunelova
  • Den kommunale skjønnfridomen og grensene for denne: under dette krava om likskap, forholdsmessigheit og saklegheit
  • Verknadene av at det blir gjort feil

Ferdigheiter

Etter at kurset er gjennomført skal studentane:

• kunne drøfte rettsspørsmål på ein måte som er i samsvar med grunnleggjande juridisk metode
• kunne finne fram til og løyse praktiske forvaltningsrettslege problemstillingar med utgangspunkt iføresegnene som er omfatta av kunnskapsmåla.