Pedagogikk 2

Mål

Emnet har som mål å gje studentane kunnskap om lærarrolla i skulen i dag med særleg fokus på problemstillingar knytt til yrkesetikk, profesjonsforståing og skulekultur, danning og sosialisering i eit fleirkulturelt samfunn.

Grunnleggande i emnet er kjennskap til og forståing for skulen som organisasjon og formelle rammer for utdanning i Noreg (aktuelle lov- og planverk og deira historikk).

Pedagogikkemna gjev saman med dei fagdidaktiske emna studentane reiskapar for planlegging, gjennomføring og vurdering av undervisning.

Innhald

Emnet tek opp tema som:

• generell didaktikk.
• profesjons- og kulturforståing for læraryrket.
• danning og sosialisering.
• skulen i eit kultur- og demokratiperspektiv.
• profesjonsetikk.
• skulehistorie med særleg fokus på kunstfaga i skulen.
• skulen sitt samfunnsmandat.

Studenten skal ved avslutta emne ha følgande læringsutbyte:

Kunnskap

Studenten..

• har god kunnskap om skulekultur og lærarrolla.
• har god kunnskap om endring i skule og samfunn og korleis dette påverkar ulike aktørar.
• har god kunnskap om estetiske dimensjonar i skulesamfunnet.
• har god kunnskap om yrkesetikk.
• har god kunnskap om overgrep mot barn og unge, om vanskelege livssituasjonar som barn og unge kan komme i, samt kjennskap til hjelpeinstansar.
• har god kunnskap om samanhengar mellom samfunnsutvikling, utdanningspolitikk og skulens og læraren si rolle i samfunnet.
• har god kunnskap om skulen sitt samfunnsmandat, slik det er gitt i aktuelle lov- og planverk.

Ferdigheiter

Studenten..

• kan analysere og drøfte undervisningssituasjonar i lys av fagbegreper.
• kan analysere og drøfte utfordringar i læreplanar og andre styringsdokument og sjå dette i lys av skulen sitt danningsoppdrag.
• kan identifisere, analysere og drøfte relevante profesjonsetiske problemstillingar.
• kan analysere og drøfte ulike utfordringar i lærarrolla og lærarkulturen, inklusiv yrkesetiske problemstillingar og korleis lærarar på ulik vis kan forholda seg til endringar i samfunnet og skulen.

Generell kompetanse

Studenten..

• er tydeleg på kva som er ansvaret og oppgåvene i skulen, og er i stand til å balansere dette.
• har ei profesjonell haldning og kan kunnskapsbasert og kritisk reflektere over spørsmål som gjeld elevane si læring og danning.
• kan med stor grad av sjølvstende identifisere, problematisere, vidareutvikle og kommunisere kunnskap innanfor lærarprofesjonen.
• kan orientere seg i faglitteratur, reise relevante problemstillingar, undersøke og drøfte desse kritisk og utvikle sin eigen faglege praksis.
• kan bidra til kritisk analyse av utdanningspolitiske spørsmål og formål, ideologiar og praksisar og delta i samfunnsdebattar om utdanningspolitikk.
• kan identifisere og analysere problemstillingar knytt til skulen sitt danningsoppdrag.