Vitskapsteori og forskingsetikk for logopedar

Overordna mål: Emnet gjev grunnleggande kunnskap om kunnskapsteoretiske problemstillingar med utgangspunkt i naturvitskaplege og humanistiske tradisjonar. Emnet drøftar forholdet mellom kunnskapsteori og kunnskapsproduksjon, samt kunnskapsomgrepet sin praktiske dimensjon. Emnet skal vidare gje innsikt i sentrale helsevitskaplege temaområde og dei idéhistoriske og kulturelle samanhengane dei har utspring i, inklusiv kjønns- og maktrelasjonar i helsevesenet.

Emnet inneheld fagrelevant opplæring i vitskapsteori og etikk og ei fagrelevant opplæring i vitskapeleg tenkjemåte, grunnlagsproblem og dei ulike vitskapstradisjonane som er relevante for logopedifaget.

Kunnskapar

Studenten¿

• Kan gjere greie for innhaldet i sentrale vitskapsteoretiske tradisjonar.
• Kan gjere greie for grunnleggjande vitskapsteoretiske forskingsverktøy (omgrepsavklaring, klassifisering, logiske prinsipp).
• Kan gjere greie for innhaldet i relevante forskingsetiske prinsipp og retningslinjer.

Ferdigheitar

Studenten¿

• Er i stand til å kritisk analysere og diskutere kunnskapsteoretiske problemstillingar knytt til logopedi.
• Kan kritisk vurdere vitskapsteoretisk perspektiv i fagartiklar.
• Kan identifisere etiske problemstillingar og utøve etisk skjønn i vurderingar av vitskap og praksis.

Generell kompetanse

Studenten¿

• Kan reflektere over kunnskapsproduksjon i logopedien
• Kan vurdere forskingsetiske og samfunnsmessige utfordringar knytt til logopedien og kan bidra til nytenking.
• Kan reflektere over forskingsetisk skjønn i møte med konkret forskingsarbeid.