Innføring i musikkterapeutisk praksis

Emnet har som mål å gje ei innføring i musikkterapeutisk praksis og aktuelle arbeidsfelt. Emnet skal gje forståing av musikkterapeutens arbeid i eit tverrfaglig team og i forskjellige kontekstar i samfunnet og helsevesenet.

Emnet omfattar fire hovudkomponentar:

Musikkterapeutisk praksis

Innføring i arbeidsformer og musikkterapiprosessar i ulike arbeidsfelt, med vekt på relasjonen mellom terapeut og brukar/pasient og på musikkterapi som sosial og situert praksis

Refleksivitet

Introduksjon til profesjonalitet og yrkesetikk (teieplikt, konfidensialitet, rettleiing, og loggskriving)

Kommunikasjon og samarbeid

Introduksjon til tverrfagleg samarbeid og tverretatleg samhandling

Relasjons- og kommunikasjonserfaringsgruppe (RelKom)

Målet med dette kurset er å gje studentane grunnleggjande kommunikativ kompetanse for arbeid med menneske, å utvikle studentane si evne til å registrere og beskrive sosialt samspel og å utvikle ei gryande forståing av kva som ligg i terapeutisk identitet og rolle. Kurset omfattar m.a. kontakt- og samarbeidsøvingar og grunntrening i å vere nærverande, å merke eigne og andre sine grenser.

Studenten skal ved avslutta emne ha følgjande læringsutbyte definert i kunnskapar, dugleikar og generell kompetanse:

Kunnskap

Studenten viser grunnleggjande forståing av forskjellige praksisområde i musikkterapi.

Studenten viser elementær forståing av musikkterapi i ein tverrfagleg og systemisk kontekst

elementær forståing av yrkesrolle og profesjonalitet

Dugleikar

Studenten viser evne til å observere og rapportere om musikkterapeutisk praksis.

Studenten demonstrerer ei grunnleggjande profesjonell haldning.

Generell kompetanse

Studenten har forståing av musikkterapeutisk praksis og rolle i forskjellige praksissamanhengar.

Studenten har evne til å reflektere over eiga forståing og eigen læringsprosess og over framtidige roller som profesjonsutøvar.