Fagdidaktikk i nordisk for integrert lektorutdanning

Emnet skal vidareutvikle den fagdidaktiske kunnskapen studenten har frå 100-nivået, og leggje grunnlag for auka forståing av korleis norskfagleg innsikt og refleksjon kan bidra til å leggje til rette for språk- og litteraturopplæringa til elevane.

Emnet har fire tema:

• språkutvikling, språkkompetanse og kulturelt mangfald
• lesing, litteraturdidaktikk og teksthistorie
• skriveopplæring
• norskfagleg danning og kunnskapssyn

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• har innsikt i korleis språkkompetanse, språkkunnskap og språklege læringsprosessar kan fremjast i opplæringa
• har innsikt i leseprosessar og korleis elevar kan tileigne seg kunnskapar om litteratur og tekst
• har innsikt i tilhøvet mellom danning, kunnskap og kompetanse i norskfaget
• har innsikt i korleis elevar med ulik språkleg og kulturell bakgrunn utviklar norskkompetanse
• har innsikt i korleis elevar kan utvikla seg som skrivarar

Ferdigheiter

Studenten

• kan bruke kunnskapen som er omtala ovanfor i eigne analysar av norskdidaktisk materiale
• kan bruke kunnskapen ovanfor i eigen yrkespraksis
• kan reflektere over norskopplæringa og elevane si læring i norskfaget
• kan bruke kunnskapen ovanfor i arbeid med elevtekstar

Generell kompetanse

Studenten

• har innsikt i norskfaget si rolle i skulen og samfunnet
• kan formulere og grunngje eit fagsyn