Hjerteavbilding i forskning

Kurset vil ta for seg dei mogelegheitene ekkokardiografi, hjarte CT og magnetresonanstomografi (MR) gjev innanfor hjarteforsking.

Målet med kurset er å fremme kunnskap, vitskapleg samspel og nettverksbygging mellom PhD kandidatar og forskarlinestudentar som brukar non-invasive hjarteavbildingsmetodar i si forsking.

Kurset vert arrangert av Norsk PhD skule i hjarteforsking (NORHEART) i samarbeid med Universitetet i Bergen (UiB). For meir informasjon sjå: www.norheart.no

Etter at kurset er gjennomført skal kandidaten:

Kunnskapar:

• vere i kunnskapsfronten om teoretisk og praktisk nytte av ulike non-invasive hjarteavbildingsmetodar i klinisk og eksperimentell forsking
• kunne vurdere fordelar og ulemper i val av hjarteavbildingsmetodar
• kunne bidra til å utvikle ny kunnskap innanfor non-invasive hjarteavbildingsmetodar

Ferdigheiter:

• kunne planlegge og utføre eiga forsking med non-invasive hjarteavbildingsmetodar på høgt internasjonalt nivå
• kunne handtere komplekse metodespørsmål og utfordre etablert kunnskap og praksis innan hjarteavbilding
• gje og ta imot fagleg kritikk på eit høgt nivå

Generell kompetanse:

• drøfte og vurdere bruk av ulike hjarteavbildingsmetodar i forsking
• utveksle teknisk ekspertise og erfaring gjennom presentasjon av eiga forsking
• analysere og diskutere vitskapelege metodeartiklar