Nordisk: Språkhistorie og talemål

Mål:

Emnet har som mål å gi studentane eit felles utgangspunkt for studiet av norsk som eit resultat av historisk utvikling og geografisk og sosial variasjon i moderne norsk. Emnet skal bidra med kunnskap som er naudsynt for norsklærarar, språkkonsulentar og andre som utøver yrke der gode norskspråklege kvalifikasjonar er eit krav. Emnet skal fremje studentane sine skriveferdigheiter i nynorsk.

Innhald:

Emnet har to hovudtema:

(1) norsk språkhistorie frå urnordisk til moderne norsk

(2) geografisk og sosial talemålsvariasjon med talemålsgrammatikk inkludert fonologi

Studiet av språkhistoria skal gi innsikt i språkutvikling generelt og framveksten av norsk spesielt, både dialektane og målformene bokmål og nynorsk. Det omfattar ein mindre del om norrøn grammatikk og lydlære som bakgrunn for å forstå dei seinare utviklingane.

Studiet av talemål skal gi oversyn over grammatisk (inkludert fonologisk), geografisk og sosial variasjon i talt norsk med vekt på å kunne beskrive og forklare både talemålets språksystem og språkleg variasjon i rom og tid.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap

Studenten

- har god kjennskap til relevant, språkvitskapleg fagterminologi, inkludert bruk av lydskrift

- har kunnskap om utviklinga av norske talemål frå urnordisk og fram til i dag

- har kjennskap til norrøn grammatikk og lydlære

- har kunnskap om utviklinga av skriftspråk og skriftkunne i Norge frå urnordisk og fram til i dag

- har kunnskap om variasjon i norske dialekter i eit grammatisk, geografisk og sosialt perspektiv

Ferdigheiter

Studenten

- kan bruke dei nemnde kunnskapane i praktiske oppgåver med språkleg materiale

- skriv norsk korrekt og godt

Generell kompetanse

Studenten

- kan bruke relevant, språkvitskapleg fagterminologi, inkludert lydskrift

- kan gjennomføre avgrensa faglege oppgåver og formidle resultata skriftleg

- kan gjengi og referere dei viktigaste oversiktene og poenga frå undervisninga og pensum på ein sjølvstendig måte

- kan delta i kunnskapsbaserte diskusjonar om norsk språkhistorie og om variasjonen i talt norsk