Ferdighetskurs del 2: Protetikk

Det er krav om obligatorisk frammøte og gjennomføring av obligatoriske arbeidskrav etter nærmare spesifikasjonar. Ein brukar omgrepet «godkjent» for å registrere at krava er oppfylte.

All undervising er obligatorisk i dette emnet.

Studenten er ansvarleg for å melde om fråvær, og ugrunna fråvær er ikkje tillate.

I tillegg til krav om deltaking, må dei faglege krava vere oppfyllde, både når det gjeld kvalitet på arbeidet og tilstrekkeleg mengdetrening.

I dette emnet er obligatoriske aktivitetar gyldige i to semestre.

Det er ikkje høve til meir enn to gjennomføringar av obligatoriske aktivitetar i dette emnet.

Praktisk arbeid og testar

Det praktiske arbeidet vert kontinuerleg vurdert både individuelt og kollektivt gjennom kurset. I tillegg vert det arrangert anonyme praktiske og teoretiske testar. Vurderinga vert utført ved at lærarkollegiet diskuterer den einskilde students prestasjon. Basert på dette får studenten informasjon gjennom individuelle samtalar. Endeleg godkjenning av praktisk del av kurset/emnet gis dersom læringsutbyttet vurderast til å vere oppnådd.

Avsluttande skriftleg prøve

Det vert halde ein skriftleg, teoretisk prøve ved avslutning av kurset. For å få ta prøven, må den praktiske delen av kurset være «bestått». For å bestå den teoretiske prøven, må studenten oppnå minst 60% riktige svar.

Når vurderingsforma i eit emne er «skriftleg prøve», vil det bli arrangert to kontinuasjonsprøver innan kort tid for studentar utan gyldig resultat. Studentar som ikkje har oppnådd gyldig resultat etter tre forsøk, blir flytta ned til lågare kull. Dei tre forsøka som høyrer til kvar gjennomføring av emnet, blir rekna som eitt vurderingsforsøk i samsvar med UiBs forskrift om studiar §8-1 (1). På grunn av den korte tida mellom ordinær og ny prøve, vil klaga på sensur ikkje bli behandla før tredje forsøk er gjennomført. Dersom tredje forsøk blir gjennomført som munnleg prøve, er det dei to tidlegare skriftlege forsøka som er gjenstand for klagebehandlinga.

For å oppnå vurderinga «bestått» for heile kurset/emnet, må praktisk del og teoretisk prøve være bestått.

"Bestått" kurs er obligatorisk for å kunne ta til med pasientbehandling i klinikken

Ein liste over obligatorisk og anbefalt litteratur vert publisert 1. juli for heile kurset som startar opp i haustsemesteret.

I tillegg vert det lagt ut ulike videofiler som viser praktiske moment og førelesingar, samt digitale presentasjonar av meir teoretisk stoff.