Godkjend klinikk

Mål:

I dette kurset blir det lagt vekt på at studenten kan integrere kunnskap og ferdigheiter frå alle fag som er gjennomgått fram til utgangen av 4. studieår. Med bakgrunn i tidlegare tileigna kunnskap, evner og haldningar kan studenten undersøkje og behandle dei vanlegaste tilstandane i munnhola. Studenten skal sjå dei ulike faga i samanheng og kunne prioritere og foreslå en behandlingssekvens ut i frå pasientens behov. Evne til å ta ansvar for å følgje opp pasienten på en ansvarsfull og profesjonell måte vil bli tillagt stor vekt.

Innhald:

Sidan dette kurset byggjer på element som er introdusert tidlegare i studiet, vises det både til overordna teoretiske og praktisk/kliniske læringsmål for odontologistudiet og til dei enkelte emna. Emnet omfattar alle fag/emnar som er ferdig med sin fagspesifikke eksamen og kor klinisk trening fortsett ut over dette. Bestått klinikk er en føresetnad for å kunne starte på 10. semester.

Etter gjennomført kurs har studenten følgjande læringsutbyte definert i kunnskap, ferdigheiter og generell kompetanse:

Kunnskap:

Studenten:

• har inngåande kunnskap om symptombilde, kliniske funn, utredning og behandling innan dei vanlegaste orale problemstillingane
• har kjennskap til aktuelle tilleggsundersøkingar, til dømes CT, MR og laboratorieundersøkingar
• har kunnskap om korleis sjukdom i kroppen kan påverke den orale helsa
• har kjennskap til hovudgrupper av legemiddel og deira verknadsmekanismar og korleis desse kan påverke oral sjukdom og terapival
• har kunnskap om spesielle behov hos eldre og sjukehusinnlagde pasientar
• har kunnskap om klinisk bruk, biologiske aspekt og handtering av odontologiske biomaterialar
• har kunnskap om mikrobiologi som er av betydning for tann- og munnhelse
• har kjennskap til Folketrygdas regelverk for refusjon av utgifter til tannbehandling
• Har kjennskap til Lov om tannhelsetenesta

Ferdigheiter:

Studenten:

• tar sjølvstendig opp anamnese og skriv gode, strukturerte pasientjournalar for alle pasientgrupper
• utfører enkle, diagnostiske undersøkingar
• vurderer behovet for røntgenundersøkingar og gjennomfører vanlege røntgenopptak
• vurderer behovet for tilleggsundersøkingar
• gjennomfører grunnleggjande profylaktiske og terapeutiske tiltak for pasienten på ein sjølvstendig måte
• meistrar ulike former for akuttbehandling og akutte situasjonar som kan oppstå i samband med tannbehandling, samt kunne vurdere behov for videre tilvising/sjukehusinlegging
• nyttar dei vanlegaste moderne, vitskapelege aksepterte profylaktiske og terapeutiske middel, materiale og teknikkar
• evaluerer gjennomført behandling og kan gi ei objektiv prognosebedømming
• vurderer behov for etterkontrollar/ etterbehandling og planleggar vedlikehaldsfase
• sikre pasienten rettmessig refusjon/stønad frå offentleg eller privat instans

Generell kompetanse:

Studenten:

• samarbeider med tannpleier, tannhelsesekretær og anna helsepersonell
• demonstrerer etisk og profesjonell åtferd mot pasientar, pårørande og kollegaer
• erkjenner eigne faglege avgrensing og tilviser pasienten der det er naudsynt med spesialkompetanse eller med tilvising til lege/ sjukehus
• handlar i tråd med lovverk, prosedyrar og etiske retningslinjer