Kjeve- og slimhinnelidingar 5. studieår

Mål:

Undervisninga gir studenten ei forståing for sjukdommar, smerter, misdanningar og skadar i det oromaxillofaciale området,

Innhald:

Kurset i 9 semester er ei innføring i følgjande tema:

• betydninga av munnhòla ved generelle medisinske tilstandar
• kirurgisk fjerning av visdomstenner
• spyttkjertlar og kjevebihuler
• metodar for erstatning av manglande tenner (tannregulering, autotransplantasjon av tenner og behandling med dentale implantat)
• kirurgiske indikasjonar/ kontraindikasjonar og komplikasjonar ved implantatbasert protetikk
• undersøking og diagnose ved oro-faciale smerter og kjeveleddproblem
• kjeveanomaliar, defektar og rehabilitering, ortognatisk kirurgi, indikasjonar og vurderingar
• orale cystar, svulstar og slimhinneforandringar
• potensielt maligne orale forandringar og tilstandar, stråleskadar i bløtvev og bein ved behandling av cancer i hode-/halsregionen
• traumatologi ; hode-, ansikts-, og kjeveskadar og dessutan behandling av desse

Ved fullført emne har studenten oppnådd følgande læringsutbytte:

Kunnskap

Studenten:

• har tilstrekkelege teoretiske kunnskapar til å gjennomføre ei praktisk/ klinisk undersøking og røntgenologisk vurdering.
• har tilstrekkeleg kunnskap i oral patologi til å forstå ei histologisk skildring.
• tolkar svar på ei mikrobiologisk undersøking som inngår i pasientbehandlinga.
• forstår eigne faglege avgrensingar og viser pasienten vidare til spesialist for å sikre ei best mogleg behandling

Ferdigheiter:

Studenten:

• kan fylle ut rekvisisjonsskjema til patolog og laboratorieprøver
• kan henvise til radiologisk spesialundersøking/diagnose
• kan stille ein endeleg diagnose etter vurdering av alle funn og opplysningar
• kan greie ut odontogen smerta og nerveskadar
• kan utføre oppklapping med fjerning av enklare røter
• kan diagnostisere og handtere komplikasjonar i samband med dento-alveolære inngrep
• kan tolke resultata frå kliniske undersøkingar, biopsiar, mikrobiologiske prøver, kjemiske analysar, saliva- og blodprøver på ein slik måte at behandlinga av kvar enkelt pasient blir vareteken på forsvarleg vis
• kan utføre basal hjarte-lungeredning (munn-munn og hjartekompresjonar)

Generell kompetanse:

Studenten har etiske haldningar slik at han/ho som ferdig tannlege vil ta hand om og vise omsorg for pasientane sine slik helsemyndigheitene krev og pasientane forventar.