Fordjupingskurs i kultur og psykopatologi; mental helse i eit krysskulturelt perspektiv

Biomedisin er, som alle lækjesystem, eit kulturelt produkt som har oppstått i vestlege industriland. Likevel har medisinsk praksis vist mindre interesse for kulturelle og sosiale faktorar og biomedisinske oppfatningar av helse og helsepraksis vert ofte overført frå ein del av verda til ein annan som absolutte sanningar. Til trass for gode resultat, har dei av og til vist seg å vere ineffektive og til og med skadelege for mottaksgruppa. Sentralt i dette problemet er biomedisin si manglande evne til å ta høgde for kulturell innverknad på menneske sine haldningar, tru, oppfatning av sjukdom, sjukdomsetiologi og oppsøking av helsevesen. I tillegg, medan visse helseproblem (t.d. sjukdomar med kulturelle vilkår) er vanskelege å forstå ved å bruke vestlege biomedisinske modellar, kan dei vere godt forståelege innan dei kulturelle samfunna dei opptrer i. Kjernen i kurset er å undersøke mentale sjukdomar, deira uttrykk, diagnose og behandling i ulike kulturelle samfunn.

Følgjande tema vil verte diskutert i førelesingane:

- Kultur og mental sjukdom: omgrep, problem, modellar og teoriar

- Klassifisering/gruppering av sinnslidingar i diagnosemanualar: kultur og metodologi

- Analyse av nokre vanlege mentale sjukdomar (angst, humør, somatoforme lidingar og schizofreni) frå eit kulturelt perspektiv

- Sjukdomar med kulturelle vilkår, kulturelle valideringar og deira moglege lenkar til sinnslidingar i klassifiseringsmanualar

- Kulturoverføring, multikulturisme og mental helse

- Krysskulturell og multikulturell psykoterapi: hjelp-oppsøkande åtferd, behandling og prognose

Etter fullført kurs skal studentane kunne

- skildre og identifisere rolla til kulturelle variablar i etiologien til sinnslidingar

- forklare korleis kulturelle variablar verkar saman med biologiske, psykologiske og miljø-variablar for å påverke psykopatologi

- vurdere kulturelle variasjonar i kva som reiknes som normalt og unormalt

- kritisk evaluere kulturelle variasjonar i klassifiseringa og diagnose av psykopatologi

- skildre og bestemme kulturelle variasjonar i utrykk, retning og utfall av psykopatologi

- vurdere korleis kulturell endring kan påverke utfallet av tilpassing