Politikk, makt og motstand

I sosialantropologien er det sentralt å forstå korleis makttilhøve gjennomsyrar sosialt liv og pregar fordelinga av sosiale, kulturelle og økonomiske privilegium i samfunn. I dette kurset vert studentane introdusert for sentrale perspektiv innan politisk antropologi, med vekt på viktige omgrep for analysar av makt. Omgrep som autoritet, legitimitet, ideologi, suverenitet, biopolitikk, hegemoni - mothegemoni, diskurs og motstand, vert utdjupa ved hjelp av studiefelt der sosialantropologar gjev viktige forskingsmessige bidrag til forståinga av maktforhold. Døme på slike studiefelt er staten, nasjonalisme, etnisitet, identitetspolitikk, organisert vald og konflikt, internasjonal migrasjon, minoritetspolitikk, politiske og sosiale rørsler, og globalisering. Emnet siktar imot å utvikle studenten sine evner til å kjenne igjen og kritisk analysere makttilhøve i kvardagslege sosiale relasjonar og sosiale og politiske strukturar. Gjennom kurset vil studentane også få moglegheit til å reflektere over eigen posisjon i maktstrukturar. Kunnskap/makt-relasjonar i antropologifaget vert problematisert i lys av fagkritiske perspektiv innan til dømes feministisk, postkolonial og dekolonial teori.

15 studiepoeng

Bachelor

Haust