Latinamerikansk historie og kultur

Lågaregradsemne

Emnebeskrivelse

Mål og innhald

SPLA109 gir eit oversyn over viktige hendingar og utvklingstrekk i latinamerikansk historie, med notida som utgangspunkt. Gjennom historisk tilnærming vil studentane få tematisk innsikt i aktuelle spørsmål i Latin-Amerika i det 21. århundret. Dei utvalde emna er relevante for den dagsaktuelle sitasjonen i Latin-Amerika med omsyn til politikk, økonomi og samfunnstilhøve, men heng samstundes nært saman med den historiske utviklinga gjennom fleire hundreår.

Læringsutbyte

Studenten skal ved avslutta emne ha følgjande læringsutbytte:

Kunnskap:

Studenten

  • har kunnskap om nokre sentrale tema innan latinamerikansk politikk, økonomi og samfunn frå førkolonial tid og fram til i dag.
  • har forståing for kva historiske faktorar som dannar bakgrunnen for aktuelle problemstillingar i dagens latinamerikanske samfunn og kulturar.
  • har forståing for korleis ulike perspektiv pregar framstillingane av latinamerikansk historie og samfunn.

Ferdigheiter

Studenten

  • kan gjera greie for sentrale trekk og samanhengar i latinamerikansk historie.
  • kan forstå og tolka ulike typar tekstar på spansk.
  • kan uttrykka seg skriftleg og munnleg op spansk, både om historiske og kulturfaglege emne og meir ålment.

Generell kompetanse

Studenten

  • kan analysera fagstoff og trekkja eigne slutningar.
  • kan vidareutvikle kunnskap, dugleik og forståing gjennom vidare studium og yrkesliv.

Fulltid/deltid

Ikkje relevant

Studiepoeng, omfang

10

Studienivå (studiesyklus)

Bachelor

Undervisningssemester

Vår

Undervisningsstad

Bergen.
Krav til forkunnskapar
Ingen formelle krav, men all undervisninga skjer på spansk og føreset gode spanskkunnskapar.
Tilrådde forkunnskapar
Sidan all undervisning går føre seg påspansk tilrår vi eit språknivå minimum A2 (jf. CEFR-skalaen) eller tilsvarande spansk nivå II fråvidaregåande skule.
Studiepoengsreduksjon
På grunn av fagleg overlapp vert studiepoenguttellinga for SPLA109 redusert med 10 studiepoeng om det vert kombinert med SPLA103, SLAN612 eller med SPLA629.
Krav til studierett
Emnet er ope for alle med ein studierett ved UiB.
Arbeids- og undervisningsformer

Undervisninga går normalt over ein 8-10 vekers periode. Det kan også verta aktuelt å leggja undervisninga i blokk.

Det vert lagt opp til bruk av studentaktive læringsformer, og gjennom semesteret vil det vera stor vekt på eigenaktivitet. Det er venta at studentane førebur seg grundig til timane og gjennomfører etterarbeid og oppgåveløysing. Studentane kan også verta bedne om å førebu og leggja fram kortare presentasjonar i timane.

Om det melder seg færre enn fem studentar til eit emne, kan undervisningstilbodet verta tilpassa studenttalet.

Obligatorisk undervisningsaktivitet

Gjennom semesteret vil studentane gjennomføra fylgjande oppgåver:

  • Ein podcast, som kan lagast individuelt eller i samarbeid mellom to studentar.
  • To skriftlege oppgåver på 750-1000 ord. Oppgåvene skal skrivast på spansk.

Oppgåvene skal vera studenten sitt sjølvstendige arbeid, og kvar oppgåve vert vurdert til godkjent/ikkje godkjent. Alle oppgåvene må vera godkjende før ein kan gå opp til endeleg vurdering i emnet.

Godkjenninga av obligatoriske arbeidskrav er gyldig i undervisnings-semesteret og semesteret etter.

Vurderingsformer
Vurderingsform i emnet er ein utvida versjon på om lag 1500 ord av ei av dei to obligatoriske skriftlege oppgåvene. Oppgåva skal vera studenten sitt sjølvstendige arbeid og skal skrivast på spansk.
Karakterskala
Det vert nytta ein gradert karakterskala frå A til F, der F er stryk.
Vurderingssemester
Vår. Der er òg vurdering tidleg i haustsemesteret for dei studentane som har oppfylt dei obligatoriske arbeidskrava.
Litteraturliste

Pensum tilsvarer om lag 375 sider og kan vera sett saman av fagtekstar og skjønnlitteræretekstar så vel som tekstar i utvida forstand, t.d. audiovisuelle kjelder. Pensumlitteraturen er i all hovudsak på spansk.

Litteraturlista vil vere klar innan 1. desember for bruk i vårsemesteret.

Emneevaluering
Emneevalueringar vert gjennomførte i tråd med UiB sitt kvalitetssikringssystem.
Hjelpemiddel til eksamen
Studentane har alle hjelpemiddel tilgjengelege då eksamensoppgåva vert skriven heime, men ein minner om at den innleverte oppgåva skal vera studenten sitt sjølvstendige arbeid. Ein viser elles til UiB sine retningslinjer i høve fusk og plagiat, inkludert kunstig intelligens.
Programansvarleg
Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.
Emneansvarleg
Programstyret for spansk språk og latinamerikastudium.
Administrativt ansvarleg
Det humanistiske fakultet ved institutt for framandspråk har det administrative ansvaret for emnet og studieprogrammet.