Spansk II

Lågaregradsemne

Emnebeskrivelse

Mål og innhald

Emnet omfattar ei grundig innføring i spansk syntaks og fordjuping i spansk grammatikk. Emnet byggjer på SPLA107.

Læringsutbyte

Studenten skal ved avslutta emne ha følgjande læringsutbytte:

Kunnskap

Studenten

  • har solid fagleg og praktisk kunnskap om spansk setningsstruktur og spansk grammatikk.

Ferdigheiter

Studenten

  • har ei god forståing av det spanske språksystemet.
  • har evne til å vidareutvikla faglege kunnskapar.

Generell kompetanse

Studenten

  • kan analysera fagstoff og trekkja eigne slutningar.
  • kan vidareutvikle kunnskap, dugleik og forståing gjennom vidare studium og yrkesliv.

Fulltid/deltid

Ikkje relevant

Studiepoeng, omfang

10

Studienivå (studiesyklus)

Bachelor

Undervisningssemester

Haust

Undervisningsstad

Bergen og/eller nettbasert. Studentane vil få høve til å velja ved semesterstart om dei ynskjer å følgja undervisninga på campus i Bergen eller som nettstudium. Merk at eksamen finn stad i Bergen.
Krav til forkunnskapar
Ingen formelle krav, men all undervisning skjer på spansk og føreset gode spanskkunnskapar.
Tilrådde forkunnskapar
Emnet byggjer på emnet, SPLA107 Spansk grammatikk I, og vi tilrår alle å ta desse emna i kronologisk rekkefølgje.
Studiepoengsreduksjon
På grunn av fagleg overlapp vert studiepoenguttellinga for SPLA117 redusert med 10 studiepoeng om det vert kombinert med SPLA105, SPLA637 eller med SLAN640.
Krav til studierett
Emnet er ope for alle med studierett ved UiB.
Arbeids- og undervisningsformer

Undervisninga går normalt over ein 8-10 vekers periode. Det kan også verta aktuelt å leggja undervisninga i blokk. Normalt vil det vera to digitale seminar for veka og to seminar på campus, og studentane vel ved semesterstart om dei vil følgja undervisninga på campus eller på nett.

Det vert lagt opp til bruk av studentaktive læringsformer, og gjennom semesteret vil det vera stor vekt på eigenaktivitet. Det er venta at studentane førebur seg grundig til timane og gjennomfører etterarbeid og oppgåveløysing.

Om det melder seg færre enn fem studentar til eit emne, kan undervisningstilbodet bli tilpassa studenttalet.

Obligatorisk undervisningsaktivitet

Det er ei obligatorisk oppgåve om utvalde tema frå pensum. Denne må utførast innan fristen for aktiviteten. Det vert gitt informasjon om kva oppgåva går ut på og kor tid ho skal gjennomførast, i byrjinga av semesteret. Oppgåva blir vurdert til godkjent/ikkje godkjent.

I samsvar med Forskrift om studium ved UiB har studentane høve til å få eit nytt forsøk per oppgåve, om ei eller fleire av dei ikkje vart godkjende ved fyrste innlevering. Oppgåva må vera godkjend før ein kan gå opp til endeleg vurdering i emnet.

Godkjenninga av obligatoriske arbeidskrav er gyldig i undervisningssemesteret og semesteret etter.

Vurderingsformer
Vurderingsforma er ein skriftleg skuleeksamen på fem timar. Studentane må skrive på spansk når dei skal svare på oppgåver. Både språk og innhald vert vurderte og er grunnlag for fastsetjing av karakter i emnet. Eksamensstad er Bergen
Karakterskala
Det vert nytta gradert karakterskala frå A til F, der F er stryk.
Vurderingssemester
Haust. Der er òg vurdering tidleg i vårsemesteret for studentar med gyldig godkjenning av obligatoriske arbeidskrav.
Litteraturliste
Litteraturlista vil vere klar innan 1. juli for bruk i haustsemesteret.
Emneevaluering
Emneevalueringar vert gjennomførte i tråd med UiB sitt kvalitetssikringssystem.
Hjelpemiddel til eksamen
Studentane kan nytta eittspråkleg og tospråkleg ordbok (t.d. norsk-spansk/spansk-norsk) på eksamensdagen. Studentane må sjølve ta med ordbøker til eksamen.
Programansvarleg
Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.
Emneansvarleg
Programstyret for spansk språk og latinamerikastudium.
Administrativt ansvarleg
Det humanistiske fakultet ved Institutt for framandspråk har det administrative ansvaret for emnet og studieprogrammet.