Illustrasjon

Emnet har som mål å skape forståing for korleis bilete kommuniserer verdiar og meiningar gjennom eit visuelt språk.

Studenten vil gjennom praktisk arbeid med illustrasjon bli introdusert for verkemiddel i det visuelle språket og korleis metaforar, symbol, representasjon, synsvinklar og visuell syntaks kan nyttast i illustrasjonsfaget. Ved å fokusere på ulike forteljarperspektiv og gjennom drøfting av enkeltbilete og biletesekvensar skal studentane lære om forteljing ut frå ulike narrative strukturar og uttrykk.

Studentar i studieretninga Visuell kommunikasjon kan velgje enten dette emne, eller VIS234 Profilering.

Studenten skal ved avslutta emne ha følgjande læringsutbytte:

Kunnskap

• Kjenner til virkemiddel i visuelt språk.
• Har kjennskap til faglege termar knytte til illustrasjon.

Ferdigheiter:

• Kan nytte og reflektere over virkemiddel i eigen illustrasjonsarbeid.
• Kan undersøkje og prøve ut idear gjennom illustrative verktøy, teknikkar, metodar og uttrykksformer.
• Kan nytte og reflektere over sentrale faglege termar.
• Kan reflektere over lovgjeving for kunstnariske rettar og åndsverk i høve til eigen utøving.

Generell kompetanse:

• Studenten kan forhalde seg heilskapleg til illustrative virkemiddel i formidling.
• Kan undersøkje illustrative virkemiddel i utviklinga av eigen visuelt språk.