Religionsvitskap (bachelor)
Milliardar av menneske identifiserer seg med ein religion. Dei religiøse handlingane og verdinormene speler ei nøkkelrolle i forståinga av kulturar. Dette studiet gir deg nyansert og nyttig innsikt i ulike religiøse tradisjonar og samfunn. Tilnærminga er samanliknande og religiøst nøytral.
- Duration
- 3 year
- Study places
- 20
- ECTS credits
- 180
- Start of study
- Autumn
- Teaching language
- Norwegian
What will you learn?
Du får kunnskap om det religiøse mangfaldet som er viktig for å forstå både verda vi lever i og historia vår. Vi møter på religion i alt frå kunst og underhaldning til politikk, økonomi, krigføring og klimakrise.
I studiet får du kunnskap om eldre og nyare religionar og deira roller i ulike samfunn. Du lærer å forstå menneskeleg åtferd både frå fortida og i samtida. Du får òg innsikt som set deg i stand til å drøfte kritiske spørsmål om religion og kultur.
Nokre av spørsmåla vi studerer er:
- Korleis kan vi avgjere kva som er «religion»?
- Kvifor er mange kristne opptatt av misjon?
- Kven bestemmer kva som er lov i islam?
- Kva er opphavet til yoga og mindfulness?
Student life
Bachelorprogrammet i religionsvitskap er eit studium på fulltid. Ei typisk veke vil innehalde både forelesingar og seminargrupper. Undervisninga og pensum er på både norsk og engelsk. Det vil variere litt frå semester til semester kor mange timar undervisning du har. I tillegg kjem sjølvstudium, aleine eller i kollokviegrupper saman med medstudentar.
Hos oss vil du møte engasjerte forelesarar med ei stor fagleg breidde. Fagmiljøet vårt har nasjonal og internasjonal spisskompetanse i ei rekke forskingsfelt.
Som student hos oss vil du ha det meste av undervisninga på Nygårdshøyden i Bergen sentrum. Du har tilgang til lesesalar, bibliotek, kollokvierom, treningssenter, kantine, kafear og studentbar på campus. På UiB finn du òg mange ulike studentorganisasjonar. Å vere med i ein studentorganisasjon er ei verdifull investering i studietida di - det gir deg mange erfaringar og venner for livet.
Career
På dette studiet lærer du om samhandling mellom ulike kulturar. Du får større forståing for det fleirkulturelle samfunnet og menneske med ulike bakgrunnar, noko som gir ein viktig kompetanse i arbeidslivet.
Noko av det du kan arbeide innan er:
- utdanning
- administrasjon i offentleg sektor
- internasjonale organisasjonar
- innvandringsrelatert arbeid
- media
- reiseliv
- kultur
Admission requirements and how to apply
You need to document Norwegian Higher Education Entrance Qualification. This is a requirement for all studies, other requirements are additional.
Teaching language
Teaching language: Norwegian
Study structure
Bachelorstudiet i religionsvitskap kan sjå slik ut:
1. semester
Ex.phil. Vel enten seminarmodell eller skolemodell (10 studiepoeng)
Vel enten akademisk skriving eller språkkunnskap (10 studiepoeng)
Religion, kultur og samfunn (10 studiepoeng)
2. semester
Kva er religionsvitskap? (15 studiepoeng)
Midtaustens og Middelhavsområdets eldste religionshistorie, og norrøn og samisk religion (15 studiepoeng)
3. semester
Kristendommen, jødedommen og islam (15 studiepoeng)
Hinduismen, buddhismen og andre asiatiske religionar (15 studiepoeng)
4. semester
Bacheloroppgåve i systematisk religionsvitskap (15 studiepoeng)
Valfritt emne i religionsvitskap (15 studiepoeng)
5. semester
Frie emne – vel blant alle opne emne ved UiB eller utveksling (30 studiepoeng)
6. semester
Frie emne – vel blant alle opne emne ved UiB eller utveksling (30 studiepoeng)
Du kan òg velje ei anna rekkefølge på emna. Studierettleiaren for programmet kan hjelpe deg med å sette opp ein plan.
Studieprogrammet er under revisjon og emnesamansettinga kan endre seg til opptak haust 2024.
Study abroad
Eit utvekslingsopphald gir deg verdifull kulturell erfaring, språkleg trening, ny fagleg innsikt og opplevingar for livet. Det er lagt til rette for utvekslingsopphald på eitt eller to semester.
UiB har utvekslingsavtalar over heile verda. For deg som tar religionsvitskap kan det for eksempel vere interessant å reise til våre samarbeidsuniversitet i Danmark, Nederland, Tysklandog Storbritannia.
Further studies
Etter bachelorprogrammet kan du ta ein toårig master i religionsvitskap ved UiB. Med master i religionsvitskap og eit årsstudium i eit anna skolefag kan du ta eittårig praktisk-pedagogisk utdanning. Då kan du jobbe som lærar i ungdomsskole og vidaregåande skole.
Du kan òg gå vidare med forsking på religionsfeltet. Ein mastergrad gjer deg kvalifisert til å søke på doktorgradsstipendiatstillingar.
Questions about the study?
Study plan
A study plan is a formal document between you as a student and the University of Bergen. The study plan must provide a clear framework for the study, describe the learning goals you will achieve and how the study is structured.
Study plan for Bachelor's Programme in the Study of Religions