Geofag og informatikk (bachelor)

Geofag og informatikk passar for deg som er opptatt av jordkloden og av korleis vi bruker og endrar naturen rundt oss. Hos oss får du bruke moderne teknologi, dataanalyse og kunstig intelligens til å bidra til berekraftig forvaltning av naturressursar, og til å kartlegge risiko for naturfarar.

What will you learn?

Dette er eit unikt studium som gir deg brei kompetanse innan geofag, informatikk og geomatikk.  

Studiet er relevant for deg som er interessert i geofag, dataanalyse og kunstig intelligens. Du lærer om korleis jorda er bygt opp og korleis ho har utvikla seg over tid. I tillegg vil du lære om korleis du samlar inn, analyserer og bruker geodata, og om korleis du bruker informatikk til å løyse geofaglege problem. 

Studiet gir deg moglegheiter til å jobbe med ei rekke ulike problemstillingar, for eksempel: 

  • miljøovervaking og klimaendringar 
  • byutvikling og planlegging 
  • naturressursforvaltning 
  • økonomi og samfunnsplanlegging 
  • programmering og kunstig intelligens  

Bachelorstudiet i geofag og informatikk er eit framtidsretta studium som gir deg kompetanse som er ettertrakta i arbeidslivet. 

Student life

Som student hos oss vil du ha det meste av undervisninga på Nygårdshøyden midt i Bergen sentrum, med tilgang til lesesalar, bibliotek, kollokvierom, treningssenter, kantine, kaféar og studentbarar.  

Bachelorprogrammet i geofag og informatikk er eit studium på fulltid, som vil seie 35-40 timar i veka.  

På studiet deltar du i ei rekke ulike former for undervisning, som praktiske øvingar, programmering, feltundervisning, gruppeprosjekt og forelesingar. Du vil òg bli introdusert til datainnsamling i felt, der vi bruker moderne teknologiske hjelpemiddel som dronar (UAVar) og Lidar (optisk fjernmåling).  

Studiet har eit årleg studentopptak på 20-25 studentar. Dermed blir du del av eit kull som er lite nok til at alle kjenner alle. Du vil òg bli del av eit større studentmiljø ved Institutt for geovitskap, som er kjent for sosial og fagleg trivsel. 

Career

Studiet gir deg brei kompetanse innan realfag, programmering, problemløysing og bruk av teknologi, noko som gjer deg godt rusta til å møte framtidas skiftande utfordringar. Nokre aktuelle område der behovet for denne typen kompetanse allereie er stort, er:     

  • kartverk 
  • forvaltning av areal (departement, fylke eller kommune) 
  • berekraftig utvinning og bruk av energi- og ressursar (energinæringa) 
  • risikokartlegging og førebygging av geofarar i statlege føretak og i konsulentbransjen
  • transportbransjen
  • kartlegging av effekten av klimaendringer
Read interviews with former students
Admission requirements and how to apply
Admission requirement: REALFA

Requires documentation of Norwegian Higher Education Entrance Qualification. Also requires specialization in mathematics from secondary education. In addition, specialization in either physics, chemistry, biology, information technology, earth science or technology and research theory.

Generell studiekompetanse og REALFA: Matematikk R1 (eller Matematikk S1 og S2) og eitt av følgande krav:

Matematikk R2 eller
Fysikk 1 og 2 eller
Kjemi 1 og 2 eller
Biologi 1 og 2 eller
Informasjonsteknologi 1 og 2 eller
Geofag 1 og 2 eller
Teknologi og forskningslære 1 og 2

Submission deadline for autumn semester: 15 April
Teaching language

Teaching language: Norwegian

Study structure

Bachelorprogrammet i geofag og informatikk er eit treårig fulltidsstudium som startar i august. Ex. Phil. (examen philosophicum) er eit introduksjonsemne som høyrer til i alle bachelorprogramma ved UiB.   

Dei tre første semestera på studiet tar du dei same, obligatoriske emna som dine medstudentar. Frå og med fjerde semester har du moglegheit til å velje mellom valfrie emne (fag). Desse valbare emna kan du bruke til å fordjupe deg innan eitt av fleire tema som er sentrale i studiet, som for eksempel geologi, programmering eller geografiske informasjonssystem. Du kan også fullføre emne som førebur deg til eit spesielt masterstudium, eller berre velje fritt ut  frå eigne interesser. 

Du finn detaljert vekeplan og anbefalt litteraturliste på heimesida til kvart emne. 

Semesterplan 

1. semester

Innføring i geologi (GEOV101, 10 studiepoeng)

Brukarkurs i matematikk I (MAT101, 10 studiepoeng) eller Grunnkurs i matematikk I (MAT111, 10 studiepoeng)

Introduksjon til geofag og informatikk (GEOV181, 10 studiepoeng) 

2.semester 

Ekskursjoner og øvingar i geologi (GEOV102, 10 studiepoeng)

Innføring i programmering (INF100, 10 studiepoeng)

Lineær algebra (MAT121, 10 studiepoeng) 

3. semester

Geografiske informasjonssystem: Teori og praksis (GEOV205, 10 studiepoeng)

Innføring i data science (INF161, 10 studiepoeng)

Ex.phil (EXPHIL-MNEKS, 10 studiepoeng) 

4.semester

Praktiske ferdigheiter i fjernmåling og romleg analyse (GEOV316, 10 studiepoeng)

Machine Learning (INFO284, 10 studiepoeng)

Valemne (10 studiepoeng)

5. semester

Feltgeomatikk (GEOV281, 10 studiepoeng)

Geofarar (GEOV217, 10 studiepoeng) eller Objektorientert programmering (INF101, 10 studiepoeng) eller Hydrologi, grunnvatn og geofarar (GEO217, 10 studiepoeng)

Valemne (10 studiepoeng)

6.semester

Valemne eller utveksling (30 studiepoeng)

Dei semestera ein har valemne kan ein velje å fordjupe seg meir i geovitskaplege emne, informatikkemne, eller geografiske emne.   

Study abroad

Vi anbefaler å reise på utveksling i sjette semester. Du kan blant anna reise til våre samarbeidsuniversitet i Tsjekkia, Tyskland, Spania, Hellas eller Storbritannia, eller velje fritt blant dei andre sentrale utvekslingsavtalane som UiB har.  

Det er òg mogleg å fullføre enkeltemne eller eit heilt semester på Universitetssenteret på Svalbard (UNIS). 

Further studies

Etter fullført bachelor kan du gå vidare til ein mastergrad i geovitskap, informatikk, informasjonsvitskap eller geografi, gitt at du har valt å fullføre emna som krevst.

Questions about the study?

Phone number: + 47 55 58 30 30
E-mail: studieveileder@uib.no
Study plan

A study plan is a formal document between you as a student and the University of Bergen. The study plan must provide a clear framework for the study, describe the learning goals you will achieve and how the study is structured.

Study plan for Bachelor's Programme in Earth Science and Informatics