Arbeids- og organisasjonspsykologi (bachelor)
På arbeidsplassen møter vi andre menneske, utviklar oss og tener til livets opphald. Vi kan oppleve medgang og meistring, men også stress, mobbing og utbrenning. Bachelorgraden i arbeids- og organisasjonspsykologi gir deg innsikt i menneskeleg samhandling i arbeidslivet.
- Duration
- 3 year
- Study places
- 60
- ECTS credits
- 180
- Start of study
- Autumn
- Teaching language
- Norwegian
What will you learn?
På bachelorstudiet får du inngåande kunnskap om korleis du kan få verksemder til å forstå at menneska er den viktigaste ressursen dei har, og slik hjelpe dei med å utvikle dei tilsette ved å ta omsyn til både yteevne og sjølvrealisering. Studiet tar utgangspunkt i at arbeidslivet er ein av dei viktigaste arenaene for menneske i dagens samfunn.
Studentane våre set pris på at utdanninga er relevant for arbeidslivet, med praksisnære fag. Det blir lagt vekt på å formidle kunnskap om og forståing av sentrale temaområde som for eksempel:
- organisasjonsteori, organisasjonskultur og organisasjonslæring
- leiing
- psykososiale arbeidsmiljøfaktorar
- stress, meistring og utbrenning
- jobbtrivsel
- mobbing
- konflikthandtering
- omstillingar, rekruttering, og turnover
- jobbusikkerheit
- arbeidsevne
- mangfald
- karriereutvikling
- sjukefråvær og helse i arbeidslivet
Student life
På bachelorprogrammet har du moglegheit å bli ein del av eit inkluderande studentmiljø.
Studiet består av
- forelesingar
- seminargrupper
- sjølvstudium
- bacheloroppgåve
I ei vanleg veke kan du ha mellom 2-10 timar undervisning, og du har generelt stor fridom til å planlegge kvardagen din. Fleire av emna har obligatorisk oppmøte og undervisningsaktivitetar som må vere godkjent før du kan ta eksamen. Totalt må du rekne med å bruke omtrent like mykje tid på studiet som på ein fulltidsjobb. Litteraturen og undervisninga er på norsk og engelsk.
Eitt semester, 30 studiepoeng, består av valfrie emne. Du kan bruke semesteret til å reise på utveksling eller velje blant alle opne emne som blir tilbydd på UiB.
Som student vil du halde til på campus i Bergen sentrum. Bjørn Christiansens hus i Christies gate 12 er hovudbygget for Det psykologiske fakultetet. Her finn du lesesalar og mer.
Career
Våre tidlegare bachelorstudentar i arbeids- og organisasjonspsykologi har fått jobb innan felt som
- utvikling og leiing av menneske i organisasjonar, personalleiing, rekruttering, kompetanseutvikling og helse, miljø og tryggleik
- forsking og utdanning
Studiet er også aktuelt for deg som ønsker ei vidareutdanning, fordjuping og spesialisering innan organisasjon og arbeid.
Studiet tar sikte på å formidle kunnskapar om verdiskaping, jobbtrivsel og helse på arbeidsplassen. Slik får du kompetanse om å forstå og ivareta personers beste på arbeidsplassen.
Admission requirements and how to apply
Documentation and language proficiency requirements for admission may vary, and information given in this page is not comprehensive. Please see Samordna opptak for information on which requirements applies to your academic background.
You need to document Norwegian Higher Education Entrance Qualification. This is a requirement for all studies, other requirements are additional.
For å søke dette studieprogrammet må du ha generell studiekompetanse.
Søknadsfristen er 15. april.
Teaching language
Teaching language: Norwegian
Study structure
Bachelorprogrammet i arbeids- og organisasjonspsykologi er eit treårig fulltidsstudium.
Obligatoriske emne på studiet er 30 studiepoeng innføringsemne, og 120 studiepoeng spesialiseringsemne.
Under ser du den anbefalte oppbygginga av studiet. Namnet på emna er lista opp først, etterfølgt av emnekoden og antal studiepoeng i parentes.
1. semester (haust)
PSYK111 - Innføring i psykologi og psykologiens historie (15 studiepoeng)
PSYK112 - Sosial- og personlegdomspsykologi (10 studiepoeng)
PSYK113 - Innføring i metode (5 studiepoeng)
2. semester (vår)
PSYK106 - Personalpsykologi (15 studiepoeng)
PSYK114 - Utviklings-, kognitiv og biologisk psykologi (15 studiepoeng)
3. semester (haust)
PSYK110 - Arbeids- og organisasjonspsykologi (30 studiepoeng)
4. semester (vår)
PSYK202 - Metode (15 studiepoeng)
PSYK210 - Nyare teoretiske, metodiske og empiriske bidrag i arbeids- og organisasjonspsykologi (5 studiepoeng)
Examen philosophicum: seminarmodell eller eksamensmodell (10 studiepoeng)
5. semester (haust)
Utanlandsopphald eller valfrie emne (30 studiepoeng)
6. semester (vår)
PSYK200 - Leiingspsykologi (15 studiepoeng)
PSYK201 - Bacheloroppgåve (15 studiepoeng)
Study abroad
Det er forventa og fagleg anbefalt at du reiser på utveksling i ditt femte semester og tar dei valfrie studiepoenga i utlandet. Utveksling gir deg nye perspektiv og erfaringar frå ein annan kultur og eit anna studiemiljø. Internasjonal erfaring vert høgt verdsett av stadig fleire arbeidsgjevarar.
Further studies
Etter denne bachelorutdanninga kan du søke deg vidare til ulike masterprogram ved UiB:
Arbeids- og organisasjonspsykologi
Psykologi (to studieretningar)
Logopedi
Pedagogikk (hvis du har tatt årsstudium i pedagogikk i tillegg)
Helsefremmande arbeid og helsepsykologi
Global Development Theory and Practice
Berekraft (studieretning "Globale utfordringar")
Questions about the study?
Study plan
A study plan is a formal document between you as a student and the University of Bergen. The study plan must provide a clear framework for the study, describe the learning goals you will achieve and how the study is structured.
Study plan for Bachelor's programme in work- and organisational psychology