Study in Norway in English
Have you considered studying in Norway but you’re afraid that Norwegians don’t understand English? Two international students tell you why you don't have to worry.
Sosiologi (bachelor)
I sosiologistudiet lærer du å analysere korleis menneske blir forma av samfunnet dei lever i, og korleis menneska skaper samfunnet gjennom daglege praksisar og handlingar.
- Duration
- 3 years
- Study places
- 93
- ECTS credits
- 180
- Start of study
- Autumn
- Teaching language
- Norwegian
What will you learn?
Ein ferdig utdanna bachelorstudent i sosiologi
- kan gjere greie for korleis samfunnsforholda har blitt til, og korleis dei blir endra
- kan gjere greie for korleis samfunnsforholda kan skape livssjansar og sette grenser for menneske
- kan gjere greie for sentrale trekk ved den sosiologiske faghistoria og dei teoretiske perspektiva, og ved omgrepa som oftast vert brukt i faget
- kan gjere greie for sosiologiske forståingar av endringsprosessar på område som sosial ulikskap, familieliv, arbeidsliv, velferdsstat, kjønnsrelasjonar, globalisering, migrasjon og etniske relasjonar
På metodekursa lærer du ulike forskingsmetodar som statistisk analyse, intervju og observasjon. Korleis går ein fram for å samle inn ulike typar forskingsdata? Korleis analyserer ein desse? Og kva er det rimeleg å slutte frå ulike typar data? Verktøya er svært nyttige i arbeidslivet og rustar deg for mange ulike jobbar.
Student life
Som bachelorstudent blir du del av eit godt studentmiljø. Sosiologisk institutt og fagutvalet legg godt til rette for at du skal føle deg inkludert.
Bachelorprogrammet i sosiologi er eit studium på fulltid. Du tar 30 studiepoeng kvart semester. I tillegg til sjølvstudium som lesing og kollokviegrupper, kan ei typisk veke ha 10-12 timar med undervisning i form av forelesingar og seminargrupper.
Gjennom studiet blir du introdusert for fleire emne og tema før du skal i gang med å skrive bacheloroppgåva. Innan då har du gjerne funne eit tema du er spesielt interessert i innanfor sosiologien, og du får fordjupe deg i dette.
Du finn timeplan og litteraturliste på emnesidene.
Som sosiologistudent vil du halde til på SV-fakultetet på Nygårdshøyden i Bergen sentrum.
Career
Du utdannar deg ikkje til eit spesifikt yrke ved å ta ein bachelorgrad i sosiologi, men du lærer teori og metodar gjennom studiet som du kan bruke i mange forskjellige jobbar i arbeidslivet. For eksempel lærer du metodeverktøy for gjennomføring av undersøkingar og analysar, og du får teorikunnskapar om menneskelege relasjonar og om korleis ulike sider av samfunnet fungerer.
Våre tidlegare studentar jobbar med
- administrativt arbeid i kommunar, fylkeskommunar og stat
- bedriftsutvikling
- internasjonalt arbeid
- arbeid i departement
- politikk
- utdanning og opplæring
- forsking
- ideelle organisasjonar
- prosjektarbeid
Admission requirements and how to apply
Previous quota limits:
Ordinary quota: 43.0
Primary quota: 41.0
Documentation and language proficiency requirements for admission may vary, and information given in this page is not comprehensive. Please see Samordna opptak for information on which requirements applies to your academic background.
Admission requirement: GENS
Submission deadline: 15. April
Teaching language
Teaching language: Norwegian
Undervisninga og litteraturen er på norsk og engelsk.
Study structure
Bachelorprogrammet i sosiologi er eit treårig fulltidsstudium som startar i august.
Slik er studiet lagt opp:
1. semester, haust
SOS100A Innføring i sosiologi med fordjupingstema (20 studiepoeng)
EXPHIL SVSEM Examen philosophicum – seminarmodell eller EXPHIL SVEKS Examen philosophicum – skoleeksamen (10 studiepoeng)
2. semester, vår
SOS121 Klassisk sosiologisk teori (10 studiepoeng)
Valemne i sosiologi (10 studiepoeng)
MET103 Kvalitativ samfunnsvitenskapleg metode (10 studiepoeng)
3. semester, haust
SOS122 Nyare sosiologisk teori (10 studiepoeng)
SOS123 Det norske samfunn i endring (10 studiepoeng)
MET104 Kvalitativ samfunnsvitenskapleg metode (10 studiepoeng)
4. semester, vår
Frie studiepoeng: utveksling eller valemne (30 studiepoeng)
5. semester, haust
Frie studiepoeng: utveksling eller valemne (30 studiepoeng)
6. semester, vår
SOS203 Sosiologisk forsking: teori og metode (10 studiepoeng)
SOS204 Bacheloroppgåve i sosiologi (10 studiepoeng)
Valemne i sosiologi (10 studiepoeng)
Heile bachelorgraden er på til saman 180 studiepoeng (tre års fulltids studium). Du startar med innføringsemne og ex.phil. (filosofiemne som inngår i alle bachelorprogramma ved UiB) i første semester. 90 studiepoeng sosiologiske emne utgjer spesialiseringa i sosiologi. Og 60 av studiepoenga er såkalla frie studiepoeng. Her kan du velje emne ut frå interesse og relevans for vidare utdanning eller yrkesplanar. Slik kan du forme innhald og oppbygging av graden din. Du kan velje opne UiB-emne eller dra på utveksling i utlandet.
Tatt opp på bachelorprogrammet før 2024? Sjå oppbygging her.
Study abroad
Utveksling gir deg nye perspektiv, moglegheit til å lære språk, og internasjonal erfaring som vert verdsett av mange arbeidsgjevarar. Du kan reise på utveksling i eitt eller to semester, og det er anbefalt å reise i fjerde og/eller femte semester. Vi har utvekslingsavtalar med mange universitet i store delar av verda.
Further studies
Etter bachelorgraden kan du fortsette studia og søke på masterprogrammet i sosiologi. Da kan du rette masteroppgåva inn mot det yrkesområdet du vil jobbe med.
Questions about the study?
Phone number: +47 55 58 98 50
E-mail: studierettleiar.svfa@uib.no
Study plan
A study plan is a formal document between you as a student and the University of Bergen. The study plan must provide a clear framework for the study, describe the learning goals you will achieve and how the study is structured.
