Atmosfære- og havdynamikk

Mål

Emnet har som mål å presentere dei grunnleggjande likningane og bruken av desse på forskjellige fenomen i geofysisk væskedynamikk. Viktige fagområde i atmosfæren og havet er presentert og studert ved bruk av teori, demonstrasjonar og øvingar.

Innhald

Viktige emne er geostrofi og Ekman-straum, samt gravitasjonsbølgjer i homogen og sjikta væske- med og utan Coriolis-effekt. Kvasi-geostrofi vil bli nytta til å studera planetære og topografiske Rossby-bølgjer, der barotrop - og baroklin ustabilitet er introdusert.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten

• forstår dei grunnleggjande prinsippa i storskala rørsle på ein roterende planet
• forstår dei styrande likningane for ulike fenomen i geofysisk væskedynamikk
• forstår grunnlaget for bølgjer i atmosfæren og havet
• forstår det grunnleggjande for stasjonær rørsle i atmosfæren og havet
• forstår grunnprinsippa for barotrop- og baroklin ustabilitet

Ferdigheiter

Studenten

• kan skalere og forenkle likningane for løysing av grunnleggjande dynamiske problem
• kan formulere og løyse problem i eit geostrofisk rammeverk
• kan formulere og nytta bølgjeteori på bølgjer i atmosfære og hav
• kan formulere og nytta Ekman-teori

Generell kompetanse

Studenten

• kan diskutere dei grunnleggjande likningane i dynamisk meteorologi og oseanografi
• kan utleie, skalere og forenkle dei grunnleggjande likningane
• kan presentere og diskutere grunnleggjande emne i atmosfæren og havet

Haust.

Emnet inngår i undervisningsopptaket.

Meir informasjon: www.uib.no/matnat/utdanning/studiehverdag/undervisningsopptaket