Perspektiver på barn og familier i utsatte livssituasjoner

Mål:

Emnet har som mål at studentane tileignar seg avansert teoretisk kunnskap om barn og familiar i utsette livssituasjonar, som spenner seg frå system-, kultur-, mangfald og ressursorienterte perspektiv, ned til teoriar om barns utvikling på individnivå.

Emnet skal formidla forståing for korleis barn og familiars kvardagsliv, levekår, ulikheit, og livserfaring påverkar liv og møte med hjelpeapparatet. Emnet skal og gje avansert kunnskap om samiske- og minoritetsbarns rett til eige språk, kultur, etnisitet og religion.

Innhald: Systemperspektiv, Kulturperspektiv, Ressursperspektiv, Mangfaldsperspektiv, Individperspektiv.

Studenten skal ved avslutta emne ha følgjande læringsutbytte:

Kunnskap

Studenten

• har avansert kunnskap om risiko - og beskyttelsesfaktorar for utviklinga til barnet relatert til barnet, familien og samfunnet. Av dette skal studenten ha inngåande kunnskap om omsorgssvikt og korleis den oppstår og kjem til uttrykk i ulike former hos barn, unge og familiar i utsette livssituasjonar
• har avansert kunnskap om ulike perspektiv på barn og familiar i utsette livssituasjonar. Teoritilfanget spenner seg frå system-, kultur-, mangfald og ressursorienterte perspektiv - inklusive erfaringskompetanse/brukarkunnskap, ned til teoriar om barns utvikling på individnivå
• har avansert kunnskap om barnevernets diskursar, historie og utvikling, og den samfunnsmessige konteksten barnevernet har utvikla seg i
• har avansert kunnskap om korleis barn og familiars kvardagsliv, levekår, ulikskap, og livserfaring påverkar livet deira og møte med hjelpeapparatet
• kunnskap om inkludering, likestilling og ikkje-diskriminering, uavhengig av kjønn, etnisitet, religion og livssyn, funksjonsnedsetting, seksuell orientering, kjønnsidentitet, kjønnsuttrykk og alder, slik at kandidaten bidrar til å sikra likeverdige tenester for alle grupper i samfunnet

Ferdigheiter

Studenten

• kan analysera, bruka og forholda seg kritisk til ulike teoriar, perspektiv, forskingsresultat og diskursar om barn og familiar i utsette livssituasjonar
• kan analysera relevante faglege problemstillingar og anvende tilegna kunnskap på eit avansert fagleg nivå
• har avanserte ferdigheiter i akademisk skriving
• kan analysera kva betydning kulturelle forskjellar, sosial ulikskap, samt levekår og buforhold har for hjelpebehov hos barn og familiar i utsette livssituasjonar

Generell kompetanse

Studenten

• kan kommunisera om analysar og konklusjonar ut frå eksisterande forsking og ulike perspektiv på barn og familiar i utsette livssituasjonar, både med spesialistar, interesseorganisasjonar og til allmenta.