Masteroppgåve i barnevernsarbeid

Arbeidet med masteroppgåva skal utvikle studentane sine evner til kritisk tenkning og kvalifisere til vitskapelige arbeidsformer. Studenten skal handsame ein barnevernfaglig relevant problemstilling ved hjelp av vitskaplege metodar. Oppgåva kan omfatte ein vitskapeleg analyse av kvalitative data, kvantitative data eller forskingslitteratur. Arbeid med masteroppgåva skal gje studentane djupare innsikt i teori og forsking knytt til oppgåvas problemstilling.

Studentane vert oppmoda om å nytte eksisterande data. Det vert stilt krav til ei skriftleg framstilling i tråd med gjeldande standard for vitskapeleg forskingsformidling.

Det skal skrivast rettleiingskontrakt mellom student og rettleiar, samt instituttleiar. Rettleiingskontrakta spesifiserer studenten og rettleiaren sitt ansvar og sine rettar.

Studentane skriv masteroppgåva som regel parvis (sjå Vurderingsformer og Arbeids- og Undervisningsformer for meir informasjon). Ved samskriving av masteroppgåva skal det utarbeides ein samskrivingskontrakt mellom studentene.

Studenten skal ved avslutta emne ha følgjande læringsutbytte:

Kunnskap:

Studenten har

• inngåande kunnskap om sentrale omgrep, teori og forsking relatert til tema for masteroppgåva
• inngåande kunnskap om forskingsmetoden relatert til tema for masteroppgåva

Ferdigheiter

Studenten kan

• systematisere, analysere, og presentere data på ein nøyaktig og oversiktleg måte
• diskutere eigne resultat i høve til relevant teori og empiri og vite kva konklusjonar som kan trekkjast frå analysen for vidare forsking og/eller praksis
• utforme ein akademisk tekst, korrekt bruk av kjelder, korrekt presentasjon av referansar i samsvar med APA-standarden

Generell kompetanse:

Studenten kan

• reflektere over forskingsetikk og forskarrolla i innsamling, bruk og tolking av data
• vise kunnskap om etiske forhold rundt bruk og tolking av eigne data, kjelder og sitat
• halde seg oppdatert på nyere forsking