Kognitivt mangfald på tvers av kultur, språk og tid

Grunnleggande kognitive funksjoner som persepsjon, kategorisering, orientering og tenking står fram som nettopp det: grunnleggande for alle. Men er dei det? Dette emnet gir innsikt i:

• i kva grad kunnskap og kognitive ferdigheiter er avhengige av oppvekst i eit samfunn rikt på sosiale interaksjonar og konvensjonar
• på kva måte kognitive konsepter og prosesser er prega av språk og kultur
• og korleis kognitive aktivitetar og verktøy har blitt forma - og fortsatt formast - i samevolusjon med nettopp språk og kultur

For å belyse faktorar som påverkar menneskeleg kognisjon tar kurset ein tverrfagleg tilnærming til både korleis vi forstår fundamentale kognitive domener (som rom, tid og kausalitet) og korleis vi handlar i meir komplekse situasjonar og overfor naturen og miljøet. Desse innsiktene er svært relevante overalt der menneskjer vurderer omverden og tek avgjerder, både i sine daglege liv og i store internasjonale samanheng. I kurset vil vi difor også diskutere kva for konsekvensar kognitivt mangfald kan ha for å takle nokre av dei store utfordringane samfunnet står ovanfor.

Kunnskapar

Studenten

• forstår grunnlaget for å forske på fenomen knytt til kognitivt mangfald på tvers av kulturar, språk og tid
• har greie på og bruker forståingsrammer for kognitiv representasjon og handsaming, for korleis kultur og språk verkar på menneskeleg kognisjon og for korleis det ble forma gjennom menneskeleg evolusjon
• har kjennskap til metodar som blir brukt for å måle og kartleggje fenomen knytt til kognitivt mangfald på tvers av kulturar, språk og tid

Ferdigheiter

Studenten:

• kan reflektere over forskingsproblem innanfor kognitiv psykologi
• kan utvikle og vurdere forskingsdesign for å belyse fenomen knytt til kognitivt mangfald på tvers av kulturar, språk og tid
• kan reflektere over og drøfte ulike perspektiv på kognitivt mangfald og vere i stand til å vurdere forskingsarbeid som er gjort på området

Generell kompetanse

Studenten:

• kan bidra til nytenking innan forsking på menneskeleg kognisjon og kan kommunisere forskingsfunn for eit akademisk publikum