Strøyming i porøse media

Det å forstå flyt- og transportprosessar i porøse medium er viktig for mange anvendingar i natur- og ingeniørvitskapar. Eksempel på dette er flyt av grunnvatn, CO2-lagring i undergrunnen (CCS), utvinning av geotermisk energi, auka oljeutvinning (EOR) og brensel-celle teknologi. I tillegg er flyt- og transportprosessar i porøse medium sentralt for mange medisinsk anvendingar.

Kurset introdusere dei grunnleggande prinsippa og matematikken for flyt- og transport i porøse medium. Dei generelle likningane for konservering av masse, momentum og energi blir presentert i samanheng med flyt av ein eller fleire kjemiske komponentar i ein eller fleire fasar. Basert på dette blir det utvikla matematisk modellar for relevante anvendingar som blir løyste i forenkla tilfelle.

Kurset vil også presentere utvidingar til relevante tema for aktiv forsking. Døme på dette er flyt og transport i medium som lar seg deformere eller er oppsprekt.

Etter fullført emne skal studentene kunne:

• definere sentrale omgrep som porøsitet, permeabilitet og metning.
• forklare skilnaden på blandbar og ikkje-blandbar flyt.
• forklare kva ein meiner med harmonisk middel av permeabilitet.
• forklare prinsippa bak kapillartrykks-funksjonen, og relativ permeabilitet.
• gi ein fullstendig modell for to-fase flyt og utleie metningslikninga.
• analysere Riemann-problemet for Buckley Leverett likninga.