Kvalitativ metode som grunnlag for psykologisk kunnskap

Kvalitativ metode og djubdeintervju

Kurset gir ein introduksjon til det kunnskapsteoretiske grunnlaget for kvalitativ forskingsmetode. Det tek særleg utgangspunkt i eit hermeneutisk-fenomenologisk perspektiv, men vil også gi oversikt over andre sentrale tilnærmingar. Kurset gir vidare praktisk øving i gjennomføring av kvalitative forskingsintervju. Denne innføringsøvinga bygger på eit klinisk perspektiv og kan kun erstattast av kurs som tek utgangspunkt i tilsvarande rammeverk. Kurset gir også ei oversikt over ulike måtar å evaluere kvalitativ forsking på, og korleis kunnskap frå slike studiar kan anvendast i psykologisk praksis.

Kunnskapar

Studenten kan ...

• gjere greie for ulike kvalitative forskingsmetodar innanfor psykologi
• gjere greie for sentrale trekk ved det kunnskapsteoretiske grunnlaget for kvalitative forskingsmetodar
• gjere greie for kvalitetskriterium i forsking, inkludert prinsipp for openheit i vitskapleg arbeid
• kritisk analysere relevant forsking og meistre psykologfaglege uttrykksformer
• sjølvstendig grunngi val og bruk av relevante metodiske verktøy og utføre ulike kvalitative analysar
• forklare og drøfte etiske spørsmål og personvernomsyn som er knytt til gjennomføring av kvalitativ forsking
• gjere greie for hermeneutisk-fenomenologisk forskingsmetode, mogelegheiter og begrensningar ved djubdeintervju, samt drøfte sentrale kvalitetskriterium for kvalitativ forsking
• gjere greie for betydninga av refleksivitet i innsamling og analyse av kvalitativt datamateriale med særleg vekt på forholdet mellom intervjuperson og intervjuar

Ferdigheiter

Studenten kan ...

• utforme forskingsspørsmål som er eigna for kvalitativ forsking
• vurdere kvaliteten på kvalitative undersøkingar
• utforme ein intervjuguide, gjennomføre eit kvalitativt forskingsintervju, samt kode og analysere transkribert intervjumateriale
• rapportere metodisk framgangsmåte, presentere kvalitative forskingsfunn og drøfte funna refleksivt innanfor format av skriftlege forskingsarbeid
• skape kontakt og innhente informasjon om andres erfaringar gjennom intervju

Generell kompetanse

Studenten kan ...

• stille seg kritisk og reflektert til mogelegheiter og begrensningar ved kvalitativ forsking
• reflektere rundt intervjusituasjonens etiske og mellommenneskelege dynamikk