Midtaustens og Middelhavsområdets eldste religionshistorie, og norrøn og samisk religion

Mål:

Emnet har som mål at studenten gjennom studiet skal tileigna seg eit oversyn over nokre av dei viktigaste religionane i Midtausten, Middelhavslanda og Norden i eldre tid. Studenten skal også tileigna seg ytterlegare kunnskap gjennom studiar av eit utval tekstar knytt til dei enkelte religionane.

Innhald:

Emnet gir ei innføring i Midtaustens og Middelhavsområdets eldste religionshistorie, herunder egyptisk og mesopotamisk religion, gresk og romersk religion, og norrøn og samisk religion.

RELV105 er ein tilrådd del av spesialiseringa i religionsvitskap, men kan der faglege grunnar tilseier det, søkast om å skiftast ut med eit anna fagleg relevant 15 stp.-emne frå eit anna fag. Emnet kan inngå som ei sjølvstendig eining i ein bachelorgrad

Trykk her for informasjon om tema som er gjeldande dette semesteret.

Studenten skal ved avslutta emne ha følgjande læringsutbyte definert i kunnskap, ferdigheiter og generell kompetanse:

Kunnskapar:

Studenten

• har tileigna seg kunnskap om dei viktigaste religiøse førestellingane og rituala i mesopotamisk, egyptisk, gresk og romersk religion, religionane i hellenistisk tid og den romerske keisartida, samt norrøn og samisk førkristen religion.
• har blitt kjend med eit utval tekstar knytte til dei einskilde religionane.
• har kjennskap til dei viktigaste religionsvitskaplege problemstellingane knytte til studiet av desse religionane.

Ferdigheiter:

Studenten

• kan analysera fagstoff på norsk og engelsk om desse religionane og trekkja eigne slutningar.
• kan søkja, vurdera og gjera bruk av informasjon om desse religionane.
• kan skriva ein resonnerande tekst innan dette fagfeltet.

Generell kompetanse:

Studenten

• kan utvikla vidare dei kunnskapane, dugleik og innsiktene som studiet har gjeve gjennom vidare studiar og arbeidsliv.
• kan bringa vidare til andre informasjon og teoriar frå dette kunnskapsfeltet.