Moderne teaterhistorie

Emnet skal gi ei grunnleggande innføring i moderne europeisk teaterhistorie frå slutten av 1700-talet og fram til nåtida.

Gjennom emnet skal studenten få kunnskapar om den moderne skodespelarkunsten si utvikling, regikunsten, teaterbygningane og scenografiens si funksjon i moderne teater. Studenten skal òg få forståing for dei samfunnsmessige kontekstane til moderne europeisk teater.

Gjennom emnet skal studenten få forståing for samanhengen mellom teater i fortid og nåtid.

Emnet inneheld òg ei innføring i teatervitskapeleg oppgåveskriving.

Kunnskapar

Etter fullført emne har studenten

• gode kunnskapar om moderne teaterhistorie.
• gode kunnskapar om skodespelarkunst, scenografi, og regikunst i nyare europeisk teater.
• forståing for samanhengar og utviklingslinjer i moderne europeisk teaterhistorie

Ferdigheiter

Etter fullført emne kan studenten

• gi ei god skriftleg utgreiing om emne innan moderne europeisk teaterhistorie.
• skildre eit teaterfenomen i samtida i lyset av moderne teaterhistorie.
• Gi ein enkel utgreiing om eit avgrensa fenomen innanfor moderne skodespelarkunst, scenografi eller regikunst.

Generell kompetanse

Etter fullført emne kan studenten

• tileigne seg ny kunnskap gjennom studia av moderne teaterhistorie og teater i samtida.
• reflektere over samanhengen mellom teaterhistoria og teater i samtida.
• reflektere over estetiske, historiske og politiske aspektar ved samtidas teater.