Tysk 1a: Språk, kultur og framandspråksdidaktikk

Mål

Emnet skal bidra til å utvikle fagleg trygge og reflekterte tysklærarar som kan bruke forskingsbasert kunnskap i eigen praksis.

Gjennom studiet skal studenten utvikle forståing for sentrale språklege, kulturelle og språkdidaktiske problemstillingar. Dei fire kjerneelementa i læreplanen for framandspråk, Kommunikasjon, Interkulturell kompetanse, Fleirspråklegheit og språklæring og Språkteknologi og digitale ressursar, uttrykker kva som er det mest sentrale i tyskfaget i skolen. Kjerneelementa viser samstundes kva kunnskapar og ferdigheiter som trengst for å vere ein god tysklærar, og dei dannar dermed grunnlaget for oppbygginga av emnet. Emnet er praktisk orientert. Det legg særleg vekt på korleis studenten kan fremme god språkopplæring i tråd med læreplanen for framandspråk og teoretisk kunnskap som gir aktive, utforskande og kreative elevar.

Sentrale tema i studiet er:

1. Tysk språk i eit kontrastivt perspektiv
2. Språklæring
3. Skriftleg og munnleg kommunikasjon
4. Kulturuttrykk frå tyskspråklege område
5. Bruk av språkteknologi og digitale ressursar
6. Forskingsbasert planlegging, gjennomføring og vurdering av undervisning og læring

Studenten skal ved avslutta emne ha følgjande læringsutbyte definert i kunnskap, dugleik og generell kompetanse:

Kunnskap:

Studenten

• har innsikt i tysk som dannings- og dugleiksfag
• har kunnskap om tysk språk og kunne bruke relevante fagord til å beskrive og samanlikne tysk med norsk og andre språk elevane kan.
• har kunnskap om sentrale tema innan tyskpråkleg kultur (medrekna daglegliv, tradisjonar, verdiar, kunstnariske og kulturelle uttrykk frå målspråksområda)
• har innsikt i sentrale styringsdokument for tyskfaget
• har innsikt i teoriar om framandspråklæring og kunnskap om relevante lærings- og kommunikasjonsstrategiar
• har kritisk kunnskap om digitale og analoge læringsressursar for målgruppa

Dugleik:

Studenten

• kan kommunisere med god uttale og intonasjon og nytte varierte språkstrukturar i munnleg og skriftleg kommunikasjon
• kan ta i bruk tysk som undervisningsspråk
• kan ta i bruk forskingsbasert kunnskap for å planleggje og gjennomføre undervisning i tråd med læreplanen for framandspråk
• kan leggje til rette for ulike arbeidsmåtar som fremjar utforsking og kreativitet i framandspråkopplæringa
• kan bruke digitale verkty i undervisninga og ha ei bevisst og kritisk haldning til desse
• kan bruke læringsfremjande vurderingsformer

Generell kompetanse:

Studenten

• kan reflektere over og vidareutvikle eigen språkleg og interkulturell kompetanse
• kan reflektere over, vurdere og vidareutvikle eigen praksis
• kan bidra aktivt i arbeidet med innovasjonsprosessar i skolen
• kan samhandle med andre i profesjonsgjennomføringa