Kvalitativ metode

Siktemålet med emnet er å gi studentane eit godt grunnlag for sjølvstendige kvalitative undersøkingar av problemstillingar og spørsmål som eignar seg for bruk av metodiske verktøy som sikter mot djupne og innhald. Emnet gjev avansert kunnskap om kva kvalitative metodiske tilnærmingar og verktøy er, og studentane får øving i å utvikle og nytte seg av desse. Emnet gjev innsikt i korleis teori, omgrep og undersøkingar heng saman, og korleis denne samanhengen pregar kva val ein kan og bør gjere i kvalitative undersøkingar - til dømes når det gjeld val av forskingsdesign, operasjonalisering, val av verktøy, gjennomføring av analyser og diskusjonar av funn. Eit viktig omsyn er korleis ein kan sikre ei sunn kritisk haldning til vurdering av metodisk framgangsmåte og forskingsdesign i andre arbeid. Emnet tek utgangspunkt i metodiske tilnærmingar som er særskild relevante for undersøkingar av politikk og forvaltning, og legg vekt på heilskapleg forståing av fag og metode. Kurset er bygd opp rundt samanhengen mellom teoretiske tilnærmingar og empiriske observasjonar, kvalitative forskingsdesign, casestudiar som strategi og tilnærming, analyse av tekst, og kvalitative intervju.

10 studiepoeng

Master

Haust