Etikk og helseforskning

Hovudmålet med kurset er å gjere kandidatane kjende med relevante aspekt ved medisinsk og helsefagleg forsking. Kurset gir innsikt i forskingsprosessen og verktøy for korleis reflektere over eit vitskapleg prosjekt i høve til sanning og rettferd, og om det forventa resultatet vil betre samfunnsutviklinga. Meir konkret legg kurset til rette for refleksjon og handlingskunnskap om grunngjeven bruk av vitskaplege metodar, forskaretikk, juridiske reguleringar, aksepterte normer for vitskapleg åtferd og kritisk vurdering av berekrafta til forskingsprosessar og resultat.

Kurset er det obligatoriske pensumet til doktorgradsutdanninga og omfattar forskaretikk, vitskapsfilosofi og innovasjon. Kandidatane vil også få opplæring i å kommunisere og formidle forskingsfunn. I tillegg blir det presentert døme på forskingsinfrastruktur ved Det medisinske fakultetet. Doktorgradsutdanning er eit strategisk satsingsområde for Universitetet i Bergen, og målet med MEDMET901 er å tilby eit grunnkurs av høg kvalitet for kandidatar som er tilknytt Det medisinske fakultetet. For å leggje til rette for utvikling av kompetanse innanfor tverr- og fleirfagleg forsking, er kurset organisert rundt gruppearbeid der deltakarane blir eksponert for perspektiv og forskingsføresetnader frå ulike fagfelt og samarbeid om disiplinoverskridande problemstillingar om vitskap, etikk og berekraft er påkravd.

Gjennom kurset blir kandidatane presenterte for øvingar og verktøy som hjelper dei å diskutere premissar for forskingsbasert kunnskapsproduksjon, å utvikle respekt for andre disiplinar og å stimulere sjølvstendige, kritiske tenkeferdigheiter for å vurdere akademisk arbeid.

Førebuingar

• Kursdeltakarane skal førebu framlegget av doktorgradsprosjektet sitt (maks 6 minutt) presentert i form av ei Power Point-framvising
• Lesing av den obligatoriske litteraturen

Kunnskap

Etter å ha fullført kurset kan kandidaten:

• kjenne att dei grunnleggjande elementa i vitskapsteoriane
• forklare element av forskarintegritet
• forklare prinsipp for god forskingspraksis
• forklare omgrepet berekraft
• forklare omgrepet innovasjon

Ferdigheiter

Etter å ha fullført kurset har kandidaten verktøy til å:

• forstå og kritisk vurdere ny kunnskap, metodar, tolkingar og ulike slag av bevis/dokumentasjon
• analysere og vurdere forskingsprosjekt i høve til om resultatet er sant (dvs. i samsvar med grunngjevne metodar, er rettferdig (dvs. perspektiv frå interessentar er inkluderte på meiningsfulle måtar), og er vis (dvs. potensielle implikasjonar av forskinga bidreg til eit overordna samfunnsgode) i høve til berekraft
• tenkje ut forskingsidear, planleggje og gjennomføre forskingsprosjekt
• gjennomføre forsking i fronten av forskinga og halde internasjonale forskingsstandardar
• utvikle den etablerte kunnskapen med kritisk tenking og innsikt i sitt eige og tilgrensande forskingsfelt
• kritisk vurdere formidling av vitskaplege funn, i tale (munnlege presentasjonar) og skrift (plakatar, manuskript)

Kompetanse

Etter å ha fullført kurset har kandidaten verktøy for å:

• kople sin eigen forsking med forskarintegritet
• samarbeide i fleirfaglege forskingsprosjekt
• kommunisere forsking og gjennom anerkjende nasjonale og internasjonale kanalar
• skildre ulike aspekt ved innovasjon
• kritisk reflektere over forskingsprosjekt i høve til berekraft