Kvalitative metodar

Studentane skal gjennom kurset tileigne seg grunnleggjande kunnskap og øving innan kvalitativ samfunnsvitskapleg metode. Siktemålet er å gi studentane forståing for vitskaplege arbeidsmåtar som grunnlag for vidare arbeid med faget, samt å gi dei innsikt i konkrete kvalitative forskingsteknikkar og korleis desse blir nytta i praksis. Studentane skal også ta omsyn til dei forskingsetiske problemstillingane som aktualiserast i forsking.

Kurset gir ei generell innføring i kvalitative samfunnsvitskaplege metodar, med vekt på ulike opplegg for innsamling, analyse og fortolking av forskjellige typar data, herunder innhaldsanalyse, deltakande observasjon, fokusgrupper og kvalitative forskingsintervjuar. Kurset gir vidare ein oversikt av sentrale element i et forskingsdesign - som for eksempel problemstilling, utveljing og komparasjon av case, intervjuguide og konseptualisering.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten kan

• definere grunnleggjande omgrep i kvalitative metodar
• gjere greie for ulike typar kjelder, data og dataanalyse
• gjere greie for sentrale element i et forskingsdesign
• skilje mellom ulike typar forskingsdesign
• gjere greie for korleis kvalitativ data vert utvelja og samla inn
• gjere greie for analyse av kvalitativ data, og programvare som vert brukt til dette
• gjere greie for etiske problemstillingar

Ferdigheiter

Studenten kan

• diskutere og grunngje val av metode, eller kombinasjon av metodar (metodetriangulering), ut frå ulike problemstillingar
• diskutere styrker og svakheiter med ulike typar forskingsdesign
• gjennomføre kvalitative intervju og kvalitative tekstanalysar
• skrive rapportar frå vitskapelege undersøkingar

Generell kompetanse

Studenten kan

• evaluere og kritisere samfunnsvitskapelege analysar
• skrive faglege tekstar basert på prinsippa for akademisk skriving og god kjeldebruk