Kvantitative metodar

Studentane skal gjennom kurset tileigne seg grunnleggjande kunnskap og øving innan kvantitativ samfunnsvitskapleg metode. Siktemålet er å gi studentane forståing for vitskaplege arbeidsmåtar som grunnlag for vidare arbeid med faget, samt å gi dei innsikt i kvantitative forskingsteknikkar og korleis desse blir nytta i praksis. Studentane skal også ta omsyn til dei forskingsetiske problemstillingane som aktualiserast i forsking.

Kurset gir ei generell innføring i kvantitative samfunnsvitskaplege metodar, med vekt på ulike opplegg for innsamling, analyse og fortolking av forskjellige typar data. Kurset gir vidare ein oversikt av sentrale element i et forskingsdesign - som for eksempel utveljing av einingar, måling og datareduksjon, statistisk inferens, korrelasjon og kausalitet. Kurset gjer også greie for ulike typar statistiske analysar, herunder deskriptiv statistikk, tabellanalyse, korrelasjonsanalyse og regresjonsanalyse.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten kan

• definere grunnleggjande omgrep i kvantitative metodar
• gjere greie for ulike typar kjelder, data og dataanalyse
• gjere greie for sentrale element i et forskingsdesign
• skilje mellom ulike typar forskingsdesign
• gjere greie for etiske problemstillingar

Ferdigheiter

Studenten kan

• organisere, presentere og fortolke ulike datatypar for analysar
• diskutere og grunngje metodeval ut frå ulike problemstillingar
• diskutere styrkar og svakheiter med ulike typar forskingsdesign
• gjennomføre tabellanalyse, korrelasjonsanalyse og regresjonsanalyse
• skrive rapportar frå vitskapelege undersøkingar
• bruke statistikkprogram til databehandling og statistisk analyse

Generell kompetanse

Studenten kan

• evaluere og kritisere samfunnsvitskapelege analysar
• skrive faglege tekstar basert på prinsippa for akademisk skriving og god kjeldebruk