Webutvikling

Emnet er todelt:

Modul 1 gir ei teoretisk og praktisk innføring i visuell kommunikasjon for digitale flater.

Modul 2 gjev innføring i brukarsideprogrammering og i aktuelle teknologiar og standardar for programmering av dynamiske interaktive grensesnitt. 

Studentane vil gjennomføre eit prosjektarbeid der dei utformar og programmerar interaktive brukargrensesnitt, for eksempel på verdsveven («world wide web») eller i mobile klientar, der dei knytt saman dugleikar innan interaksjonsdesign med grafisk design og programmering.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap¿

Studenten

• kan gjere greie for sentrale omgrep i moderne interaktive brukargrensesnitt på mobile klientar og på verdsveven.
• kan gjere greie for teoriar og prinsipp for grafisk design og effektiv visuell kommunikasjon.
• kan gjere greie for ulike metodar for softwareutvikling.

Ferdigheiter

Studenten

• kan nytte relevant redigeringsverktøy.
• kan programmere interaktive vevsider med til dømes JavaScript, DOM og andre aktuelle API-ar.
• kan bruke JSON og REST-tenester
• kan bruke verktøy som vert nytta for å skrive, køyre og teste enkle program.
• kan integrere interaksjonsdesign, grafisk design og programmering i utviklinga av interaktive applikasjonar.

Generell kompetanse

Studenten

• kan diskutere konseptuelle, praktiske og etiske problemstillingar knytte til evaluering av interaktive system.
• kan planlegge og gjennomføre varierte arbeidsoppgåver og prosjekt innan fagfeltet interaksjonsdesign, aleine og som deltakar i ei gruppe, og i tråd med etiske retningslinjer og krav til universell utforming.
• kjenner til forskings- og innovasjonsarbeid innan interaksjonsdesign, og kan oppdatere kunnskapen sin innan feltet.