Forskingsdesign og feltstudiar

Målet med emnet er å gi studentane den teoretiske og metodiske om korleis gjennomføre eit masterprosjekt knytt til mediedesign og/eller interaksjonsdesign. Studentane vil gjennom deltaking i emnet utvikle eit konsept for eit forskingsprosjekt som skal vere forankra i brukardata som er innsamla for prosjektet.

Emnet blir organisert som ein serie av modular som saman skal lede til utviklinga av eit masterprosjekt. Studentane vil gjennomføre ein empirisk studie av moglege målgrupper for prosjektet, og utvikle ei prosjektskildring. 

Eksamen i emnet er ei individuell prosjektskildring. I dei tilfelle der studentane ønskjer å samarbeide om eit masterprosjekt, leverer dei kvar si prosjektskildring som skildrar korleis dei ulike delprosjekta heng saman. 

Studenten skal ved avslutta emne ha følgjande læringsutbyte, definert i kunnskapar, ferdigheiter og generell kompetanse: 

Kunnskap 

Studenten

• Kan skrive ei klar prosjektskildring av eit planlagt forskingsprosjekt i medie- og interaksjonsdesign.
• Kan velje relevante teoriar og metodar i planlegginga av eit praksisbasert forskingsprosjekt

Ferdigheiter

Studenten

• Kan integrere tenkjemåtar knytt til programvareutvikling og mediedesign inn i eit forskings- og utviklingsprosjekt.
• Kan bruke kvalitative metodar i vurderinga av brukaropplevinga knytt til eit medium. 
• Kan planleggje og utføre brukarstudiar ut frå relevante etiske standardar. 
• Kan innhente vitskapleg litteratur knytt til konkrete problemstillingar.

Generell kompetanse

Studenten

• Kan evaluere etiske og metodiske problemstillingar knytte til eit særleg forskings- og utviklingsprosjekt innan medie- og interaksjonsdesign.
• Kan planleggje og gjennomføre empiriske studiar for å forstå brukarane av ein utvald medieteknologi, og vurdere dei etiske implikasjonane av studiet.