Teknikkar, modellsystem og aktuelle forskingstema i molekylærbiologi

Mål:

Dette kurset introduserer forskingsområde innan moderne molekylærbiologi med fokus på forsking utført i faggruppa for molekylærbiologi ved Institutt for biovitskap. Studentane skal tileigne seg forståing for den konseptuelle bakgrunnen, dei eksperimentelle tilnærmingane og modellsystema som vert brukt i forsking på molekylære og genetiske interaksjonar, differensiering, fysiologi og homeostase av celler og korleis desse prosessane påverkar dyr under normal utvikling og under patologiske tilstandar. Emnet skal sette studentane i stand til å identifisere kunnskapshull innanfor eit bredt spekter av forskingsområde innanfor molekylærbiologi og å matche vitskapelege spørsmål med eksperimentelle tilnærmingar for å løyse dei.

Innhald:

Emnet tek opp nokre av følgande tema: Rolla til lipider og lipid-protein-interaksjonar og korleis dei bidreg til sjukdom, bruk av dyremodellorganismar for å studere utvikling av kreft, nervesystemutvikling og nevrodegenerative sjukdommar, regulering av proteinhomeostase, samt immunologi og vaksinologi til fisk.

Dei generelle konsepta og dei store ubesvarte spørsmåla innan desse forskingsområda vert introdusert. Metodikken for å kunne svara på desse spørsmåla vert forklart.

Kunnskapar

Studenten kan forklare

• hovudkonsepta innan forskingsområda nemnt ovanfor
• særtrekk til modellorganismar som gjer dei eigna for desse forskingsområda
• avanserte metodar for manipulering av genfunksjon

Ferdigheiter

Studenten kan

• trekkje ut relevant informasjon frå forskingsartiklar og review-artiklar og presentera dette til andre forskarar
• diskutere etiske aspekt ved bruk av modellorganismer og genmanipulering