Læring i naturfaga

Mål:

Gjennom skulepraksis og obligatoriske arbeidskrav vil emnet utvikla studentane sine evner til å observera og diskutera undervisningspraksis i lys av læringsteori.

Innhald:

Emnet handlar om sentrale utfordringar i læring av naturfag og strategiar for å møte desse. Emnet tek opp bruk av dialogbaserte arbeidsformer og diskuterer bruk av praktisk arbeid og vurdering for læring basert på læringssyn som legg vekt på erfaringar og språkbruk. Emnet diskuterer elevaktive arbeidsmåtar, kompetanseomgrepet, læreplanen i naturfag og formålet med opplæring i naturfaga med vekt på omgrepa fagleg argumentering, deltaking, allmenndanning og grunnleggjande dugleikar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten kan

• gjera reie for kompetansetenking og sentrale funn ifrå kjente undersøkingar av læring og undervisning i naturfaga
• greie ut om elevar sine læringsprosessar basert på omgrep sentrale i læringsteoriar.
• gje døme på korleis forsøk og samtale kan fremma læring

Ferdigheiter

Studenten kan

• planlegge korte undervisningsøkter som fremmer kognitiv og språkleg aktivitet hos elevane
• undersøkje korleis ulike spørsmål og oppgåver verkar inn på elevane si deltaking og praktisering av grunnleggjande dugleikar
• diskutere konkrete undervisningsaktiviteter i lys omgrep frå sentrale læringsteoretikarar

Generell kompetanse

Studenten kan

• samarbeide med kollegaer/medstudentar for å undersøkje korleis elevane lærer.
• diskutere korleis elevar responderer på ulike oppgåver og aktivitetstypar, både basert på eigne erfaringar og andre sine innspel.
• formidla fagstoff, erfaringar og refleksjonar på ein oversikteleg måte og med klare døme