Mediebruk: Identitet og samfunn - bacheloroppgåve

Målet med dette fordjupingsemnet er å styrka studentane sin kunnskap om mediebruk i samfunnet og i identitetskapande prosessar. Mediebruk er individualisert og prega av forskjellar, men er og med på å knytte menneske saman i kulturelle, sosiale og politiske fellesskap. Emnet tar særskilt for seg bruken av sosiale og nettbaserte medium, ein kvardag prega av digitale plattformar, og utfordringar ved kunstig intelligens. Pensumlitteraturen gir kritiske perspektiv på mediebruk sett i høve til tema som kjønn, klasse, etnisitet, digitale skiljeliner eller ulike globale kontekstar. Undervisninga vektlegg praktisk fordjuping i metodiske tilnærmingar som er særskilt relevante for å studere digital mediebruk. Gjennom arbeid med eit forskingsprosjekt får ein innsikt i planlegging, forskingsetikk, datainnsamling, analyse og formidling. Emnet vektlegg studentaktiv læring, samarbeid i grupper og individuell fordjupning.

Bacheloroppgåver i emnet vil normalt ta form av ei avgrensa empirisk mediebruksstudie der kandidaten analyserer eit materiale ho eller han sjølv har samla inn.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• har kunnskap om mediebruk i samfunnet og i identitetsskapande prosesser
• har kunnskap om bruk av sosiale, digitale og nettbaserte medier
• har innsikt i utvalde medievitskaplege og sosiologiske teoriar om mediebruk, identitet, samfunn og skiljelinjer

Ferdigheiter

Studenten

• kan analysera mediebruk ved hjelp av metodar som er sentrale i forskinga
• kan reflektera over forskjellar i mediebruk knytt til samfunnsmessige skiljeliner
• kan reflektera over endringar i mediebruk knytt til digitalisering

Generell kompetanse

Studenten

• kan utvikla relevante problemstillingar, forskingsdesign og analysar for avgrensa prosjekt
• kan arbeide i grupper med avgrensa prosjekt
• kan ta del i faglege diskusjonar