Dokumentariske produksjonar

Dette er eit vidtfemnande emne som har som mål å gi studenten kunnskap om, og røynsle med, ulike faktasjangrar. Emnet har tre modular.

Modul 1 Førebuing

Studentane startar med å følgje akademiske førelesingar med tilhøyrande filmvisingar som gir innsikt i dokumentariske tradisjonar og konvensjonar for film, tv og sosiale medier, samt i etiske problemstillingar knytt til verkelegheitsframstillingar. Desse førelesingane blir supplerte med gjesteførelesingar og seminar med representantar frå medieklynga som tek utgangspunkt i arbeidet deira med ulike typar faktaproduksjonar. Praksislærar gir studenten kunnskap om manusskriving for dokumentarfilm, og om planlegging og praktisk gjennomføring.

Modul 2 Intervjuteknikk og studieproduksjon

I samarbeid med journalistikkstudentar vil studentane prøve seg på ulike tilnærmingar til å intervjue forskjellige objekt. Deretter vil dei lage ein fleirkamera-produksjon som kan inkludere element som studio-diskusjon, direktesendte intervju og førehandsinnspelte intervju.

Modul 3 Oppdragsfilm

Studentane skal få erfaring med korleis ein arbeider med korte informasjonsfilmar/reportasjar og sosiale media, frå research til idéutvikling til spissing av bodskap, til visuelt uttrykk. Oppdraga skjer i samarbeid med Bergen Internasjonale Film Festival.

Modul 4: Minidokumentar

Studentane skal produsere ein minidokumentar på 8-12 minutt.

Som del av førebuinga skal studentane også lære korleis å planlegge og pitche dokumentarprosjekt og få tilbakemelding på viktige punkt i produksjonsprosessen.

Studenten skal ved avslutta emne ha følgjande læringsutbyte:

Kunnskap

Studenten

• har god kunnskap om dokumentariske tradisjonar, konvensjonar og sjangrar, og evne til å innlemme desse innsiktene i eige arbeid
• har kunnskap om etiske problemstillingar knytt verkelegheitsframstillingar på film, og evne til å bruke desse innsiktene i eigen praksis

Ferdigheiter

Studenten

• kan planlegge, skrive og gjennomføre dokumentariske produksjonar
• kan arbeide konseptuelt og praktisk med oppdragsfilm/reportasjar
• har kunnskap om og trening i ulike praksisar innan dokumentarfilmskaping
• kan gjere informerte val om kva for tilnærmingar innan filmskaping som passar best for minidokumentarprosjektet

Generell kompetanse

Studenten

• har innsikt i relevante fag- og yrkesetiske problemstillingar innan fagområdet dokumentarisk produksjon
• kan utveksle synspunkt og erfaringar med andre som har ein teoretisk og praktisk bakgrunn innanfor fagområdet, og såleis bidra til å utvikle god praksis
• kjenner til nytenking og innovasjonsprosessar innanfor ulike faktasjangrar