Integrert feltkurs i tektonikk og sedimentologi

Mål:
Emnet har som mål å gje ei bred forståing av samspelet mellom tektonikk, bassengdanning og sedimentasjon både generelt og spesifikt i område med kontraksjon/fjellkjededanning. Emnet har også som mål å gje ei god forståing av kontraksjonstektonikk og source-to-sink-konsept i ulike sedimentære system.

Innhald:
Kurset gir grunnleggjande innføring i feltgeologiske metodar i sedimentologi og strukturgeologi i eit område med blottingar av høg kvalitet. Metodane demonstrerast i ulike strukturelle regime og sedimentære avsetningsmiljø. Strukturgeologien dekker hovudsakleg folde-skyvestrukturar og strøkforkastingar i stor og liten skala. Studentane arbeider i grupper og får i oppgåve å skildre og tolke bergartar med omsyn til sedimentære prosessar, paleomiljø og strukturell stil og historie.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar
Studenten kan

• forklare sentrale anatomiske trekk ved ei kontraksjonsfjellkjede
• forklare source-to-sink konsept med bruk av døme frå ulike sedimentære system
• diskutere utvikling av sedimentære basseng
• diskutere samanhengen mellom tektonikk og sedimentasjon i sedimentære bassen

Dugleikar
Studenten kan

• samle inn sedimentologiske og strukturgeologiske data
• konstruere grafar og figurar for å illustrere og visualisere geologiske data
• kjenne igjen og diskutere samanhengen mellom observasjonar og geologiske prosesser
• gjennomføre avanserte søk etter relevant geovitskapleg litteratur, og nytte korrekt kjeldehenvising
• føre gode og nøyaktige feltnotat

Dugleik
Studenten kan

• nytte eit presist geologisk fagspråk til å skildre og diskutere geologiske prosessar og hendingar
• demonstrere evne til å fungere individuelt, i samarbeid og etisk med andre
• erkjenne, vurdere og kommunisere menneska si rolle i geosystemet, og vår avhengighet av og innverknad på geosystemet.

Annenhver vår, partallsår.

Emnet har eit avgrensa tall på plassar og inngår i undervisningsopptaket. Meir info: www.uib.no/matnat/utdanning/studiehverdag/undervisningsopptaket