Kjemisk syntese og analyse

Mål:

Emnet har som mål å gi en innføring og oversikt over grunnleggande metodar og prosedyrar for syntese og analyse av organiske og uorganiske sambindingar ved bruk av utstyr i mikro- og halvmikroskala. I laboratoriekurset vert eit utval av kjemiske reaksjonar som er nytta i samband med syntese av viktige organiske og uorganiske sambindingar utført.

Innhald:

Emnet skal vise korleis kjemiske reaksjonar dannar basis for industriell verksemd som til dømes farmasøytisk industri, matvareindustri, dyrehelse, elektronikk, "flavour & fragrance" og andre industriar basert på finkjemikalium.

Laboratoriekurset gir ein kunnskapsbasert illustrativ gjennomgang av trendar og reaksjonstypar, frå dei tidlege kjemiske elementa og til d-metallkompleks.

Emnet vil gje ei enkel innføring i bruk av kvalitative analyser samt spektroskopiske metodar som infrarød- (IR), ultrafiolett-synleg (UV-Vis) og kjernemagnetisk resonans (NMR) spektroskopi for strukturanalyse av kjemiske sambindingar.

Eksperimentelt laboratoriearbeid med moderne syntetiske reaksjonar vil illustrere kva syntetisk kjemi betyr for samfunnet. Laboratoriekurset gir ei grundig innføring i korleis eksperimentelle resultat blir samanfatta i ein laboratorierapport og korleis ein arbeider i samsvar med dei grunnleggjande reglane for helse, miljø og tryggleik for arbeid på laboratorium i syntetisk kjemi.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• har grunnleggjande kunnskapar i å utføre syntese av organiske og uorganiske sambindingar i laboratorieskala
• har grunnleggjande kunnskapar i å isolere og reinse kjemisk framstilte sambindingar
• har grunnleggjande kunnskapar i å karakterisere kjemisk framstilte sambindingar ved bruk spektroskopiske metodar, som for eksempel ultrafiolett-synleg (UV-Vis), infrarød- (IR) og kjernemagnetisk resonans (NMR) spektroskopi

Ferdigheiter

Studenten

• kan utføre ei kjemisk syntese i laboratorieskala
• kan utarbeide flytskjema til bruk i å identifisere kritiske/avgjerande punkt i ein synteseprosedyre
• kan utarbeide reaksjonsskjema ved hjelp av egna programvare
• kan bruke relevante teoriar, eksperimentelle metodar og analyseverktøy for identifisering, kvantifisering og enkel strukturoppklaring av kjemiske sambindingar
• har grunnleggjande ferdigheiter i isolering og oppreinsking av synteseprodukt
• kan gjennomføre ei avgrensa undersøking av eit kjemisk problem på ein vitskapeleg måte og analysere og tolke resultata i lys av relevant teori

Generell kompetanse

Studenten

• har ferdigheiter og kunnskapar om HMS i kjemisk laboratorium
• kan formulere hypotesar og vurdere dei i lys av eksperimentelle resultat
• kan konkretisere og verifisere teoretisk kunnskap ved hjelp av eksperiment
• kan arbeide praktisk i laboratoriet, både sjølvstendig og i gruppe (par)
• kan dokumentere og formidle dei oppnådde resultata frå laboratoriearbeid gjennom rapportskriving